Juan 10:29 - Ing Mayap a Balita Biblia

²⁹ Ing Ibpa ku a minie kareti kanaku maygit ya karing sabla at alang makasamsam kareti king gamat nang Ibpa ku.

Juan 10:29 Iomraidhean Croise

Ding Dalit 145:3

Ing Ginu mayupaya ya at mangaintulid yang labis-labis a kapurian; ing kamalan na e mu agyung pakirasan.

Exodo 18:11

Ngeni ku akikilala king ing Ginu maula yang maygit karing sablang dios, uling depatan na iti kanitang ding tau Ehipto teratusan da lang mitmung bigsikan ding Israelita.

Daniel 4:3

E la makanyan-kanyan a degulan ding bage pagmulalan a papakit ning Dios kekatamu ngan! Kayupaya da ring milagrung gagawan na! Maging ari ya ing Dios king kapilan pa man; sumakup ya king sablang panaun.

Malakias 1:14

Dugpa ing sumpa king mapamirait a miyayain kanakung animal a alang kwenta, ngening atin yang animal a alang dipektu karing sese na a pengaku nang ibie kanaku! Uling metung kung aring marangal, at tatakut la kanaku ding sablang tau ning yatu.

Juan 10:28

Dirinan ku lang bie alang angga at e la mipahamak kapilan man. Alang makasamsam kareti kanaku.

Juan 10:30

Aku at ing Ibpa metung kami mu.

Juan 14:28

Dimdam yung sinabi ku, Mako ku, oneng mibalik ku naman kekayu. Nung liguran yu ku, sukat kayung tumula king munta ku king Ibpa uling maygit ya kanaku ing Ibpa.

Juan 17:11

Ngeni munta na ku keka, lakuan ku ne ing yatu, oneng atyu la king yatu. Ibpang Banal, ingatan mu la king kapamilatan na ning upaya ning lagyu mu, ing lagyung binie mu kanaku ban maging metung la mu, antimo ikata metung kata mu.

Juan 17:2

Uling dininan meng upayang sumakup karing sablang tau ban munie bie alang angga karing sablang binie mu keya.

Juan 17:6

Pepakilala da ka karing taung binie mu kanaku ibat king yatung iti. Keka la, binie mu la kanaku, at tiparan da ing amanu mu.

Juan 17:9

Ipanalangin ku la. Manalangin ku e para king yatu, nune para karing binie mu kanaku uling keka la.

Juan 6:37

Lumapit la kanaku ding sablang babie na ning Ibpa kanaku at e ke tanggian ing ninumang lumapit kanaku,