Juan 10:28 - Ing Mayap a Balita Biblia

²⁸ Dirinan ku lang bie alang angga at e la mipahamak kapilan man. Alang makasamsam kareti kanaku.

Juan 10:28 Iomraidhean Croise

Job 17:9

Detang sasabian da ing makatuliran la daragul nang daragul ing kapaniwalan da king ila makanyan la.

Ding Dalit 31:5

Karing gamat mu ipanibala ku ing bie ku. Ika ing migligtas kaku, Ginu; O Dios, tune kang tapat.

Ding Dalit 37:28

uling kaluguran ning Ginu ing katuliran, inya ding taung tapat king Ginu kapilan man e na la gulutan; oneng lahi da ring darapat e ustu angganan na.

Ding Kasebian 24:16

Agyang misakab yang pitung besis ing taung matulid, talakad ya pa mu rin. Oneng ing taung e mayap dasnan ne ning kapahamakan.

Ding Kasebian 4:18

Oneng mengari ya ing dalan na ning taung matulid king aldo a saslag; lalu yang maslag neng aldo tapat.

Isaias 27:3

Banten ke at parati keng paranuman. Banten ke aldo at bengi ban e ne ananu balang ning ninuman.

Isaias 45:17

Oneng linigtas ne ning Ginu ing Israel; ing tagumpe na manatili kapilan man; e na la mibili ding memalen na king alang dangalan.

Isaias 54:17

Oneng alang sandatang malyaring makapanasakit keka; atin kang ipakibat karing sablang maki bintang keka. Idipensa ku la ding kakung talasuyu at dinan tagumpe. Ing Ginu ya ing migsalita.

Isaias 55:3

Makiramdam kayu ngeni taung kakung pinili, at lumapit kayu kaku; lumapit kayu kaku at mika bie kayu! Gawa kung kasunduan kekayu a manatili king kapilan man, at ibie ku la kekayu ding kanuanan a pengaku ku kang David.

Jeremias 23:4

Tuldu kung pamuntuk a manibala karela. E na la pasibayung mitakutan ding taung kanakung pinili o galgal man at e ku na la pasibayung parusan. Aku, ing Ginu, ing migsalita.

Jeremias 31:3

pepakit ku karela ibat king marayung lugal. Memalen ning Israel, menatili kung malugud kekayu, inya menatili kung papakit kekayu ing lugud kung e kukupas.

Jeremias 31:34

Ala na metung man kanita ing ituru ne ing kabalen na ban pakibaluan ne ing Ginu uling ding sabla abalu ra ku, manibat king malating dili at angga na king maragul dili. Patawaran ku ing karelang kasalanan at kalinguan ku ing karelang kasalanan. Aku, ing Ginu, ing migsalita.

Jeremias 32:40

Gawa kung alang anggang kasunduan karela. E ku tuknang darapat mayap a bage para karela at ibili ku ing takut king mabilug dang pusu ban kanita e na la pasibayung magtaksil kanaku.

Marcos 13:22

Uling ating lunto a e tutung Cristo at e tutung propeta. Pakit lang tanda at gawa lang makapagmulala ba ra lang alili, nung malyari mu sa, pati na ding pinili na ning Dios.

Lucas 23:46

Nganang kinulisak masikan Jesus, Ibpa, karing gamat mu panabilin ke ing kanakung espiritu! Kaybat nang sinabi iti mepatlud ya inawa.

Juan 10:29

Ing Ibpa ku a minie kareti kanaku maygit ya karing sabla at alang makasamsam kareti king gamat nang Ibpa ku.

Juan 11:25

Nganang Jesus, Aku ing pamanyubling mebie at ing bie. Ing maniwala kanaku, agyang mate ya, mie yang pasibayu;

Juan 14:19

Saguli na mu at e na na ku akit ning yatu, oneng akit yu ku; uling mabie ku, ikayu man mie kayu.

Juan 17:2

Uling dininan meng upayang sumakup karing sablang tau ban munie bie alang angga karing sablang binie mu keya.

Juan 18:9

Sinabi na iti ban matupad itang amanu na, Alang mabating metung man karing binie mu kanaku, Ibpa.)

Juan 3:36

Atin yang bie alang angga ing maniwala king Anak; oneng e ya mirinan bie ing e mamintu king Anak, nune manatili keya ing milalablab nang mua ning Dios.

Juan 4:14

oneng e ne kumau kapilan man ing ninumang minum king danum a ibie ku. Uling ing danum a ibie ku keya maging sibul ya kilub na at ibie ne ing bie alang angga.

Juan 5:24

Ing katutuan sasabian ku kekayu: ing makiramdam king amanu ku at maniwala king mitubud kanaku atin yang bie alang angga. E ya mayatul, nune ibat king kamatayan linipat ne king bie.

Juan 6:27

E yu panintunan ing masisirang pamangan, nune panintunan yu ing pamangan a manatili angga king bie alang angga. Ibie na iti kekayu ning Anak ning Tau uling ya ing dininan nang upaya ning Dios Ibpa.

Juan 6:37

Lumapit la kanaku ding sablang babie na ning Ibpa kanaku at e ke tanggian ing ninumang lumapit kanaku,

Juan 6:47

Ing katutuan sasabian ku kekayu: atin yang bie alang angga ing maniwala.

Juan 6:68

Nganang mekibat Simon Pedro, Ginu, kenu ke pa munta? Atyu la keka ding amanung babie bie alang angga.

Ding Dapat 7:59

Alang tuknang ing pamamasibas dang batu kang Esteban kabang nganang mamaus king Ginu, Ginung Jesus, tanggapan me ing kanakung kaladua!

Roma 5:17

Wa, king kapamilatan na ning kasalanan ning metung mung tau karin megumpisa ing pamag-ari na ning kamatayan; oneng lalu namang maragul ing binunga na ning depat na ning katau, i Jesu-Cristo! Ding sablang tatanggap king maglapo nang grasya ning Dios at detang kikilalanan nang matulid mie la at makipag-ari king kapamilatan nang Cristo.

Roma 5:2

King kapamilatan na ning kasalpantayanan tamu peparas nang Jesus kekatamu iting grasyang tatanggapan tamu ngening kasalukuyan. Inya ikakatula tamu ing kapanayan a atyu kekatamu, kapanayan king pangarakayanan tamu king ligaya na ning Dios!

Roma 5:21

Inya nung makananung mig-ari ing kasalanan king kapamilatan na ning kamatayan, makanyan munaman mig-ari ing grasya na ning Dios king kapamilatan na ning kapatawaran ban kamtan tamu ing bie alang angga king kapamilatan nang Jesu-Cristo a Ginu tamu.

Roma 5:9

Anti na ning ngeni milapit ta na king Dios king kapamilatan na ning kamatayan nang Cristo, e kasi lalu tamung asisiguru king iligtas na katamu king mikakalabkab nang mua ning Dios!

Roma 6:23

Ing bayad na ning kasalanan, kamatayan; oneng ing regalung kusa nang babie ning Dios ya ing bie alang angga kayabe nang Cristo Jesus a Ginu tamu.

Roma 8:1

Inya e na la miyatulan kaparusan detang mabibie kang Cristo Jesus.

Roma 8:29

Ila detang pinili na manibat na kanitang minuna at telaga nang maging tune nang kalupa ning Anak na ban ing Anak yang maging pangane da ring dakal a mikakapatad.

Deuteronomio 33:3

Wa, kaluguran na la ding taung pinili na, at bibendisyunan detang tapat; makatipun la king arapan na, kautusan na makasadia da lang tuparan.

Filipos 1:6

At siguradu ku king ing Dios a megumpisa kaniting mayap a dapat kekayu ya naman ing miganap kaniti angga king Aldo datang ya i Cristo Jesus.

2 Tesalonica 2:13

Sukat kaming parating babie pasalamat king Dios king uli yung kapatad a pakamalan na ning Ginu. Pasalamat kami uling pinili na kayu bilang mumunang dinan nang kaligtasan king kapamilatan na ning Espiritung papagbanal kekayu, at ning pamaniwala yu king katutuan.

1 Timoteo 1:16

Oneng iti ya kabud ing sangkan nung inya melunus ya ing Dios kanaku ban king milyari kanaku ipakit nang Cristo Jesus ing maragul nang kapibabatan, at maging pialimbawanan iti para karing salpantaya keya at tanggap lang bie alang angga.

2 Timoteo 1:12

at iti ya ing sangkan nung inya magdusa ku. Makanyan man, e ku pikakarine iti uling lubus keng akikilala ing kanakung panaligan at balu ku king agyu nang ingatan ing penibala na kanaku angga king paniatang na ning Aldo.

Hebreo 7:25

Inya agyu na lang iligtas ngeni at kapilan man ding sablang lalapit king Dios king kapamilatan na, uling mabie ya kapilan man ban mamilatan king arap ning Dios para karela.

1 Pedro 1:5

Makapanaya iti para kekayu, ikayung liligtas na ning upaya ning Dios king kapamilatan na ning kasalpantayanan kabang panenayan yu itang kaligtasan a makasadiang mipakilala king kawakasan na ning panaun.

1 Juan 1:2

Mihayag ya iting bie; ikit mi ya at patutuan mi ya kekayu. Magsalita kami tungkul king bie alang angga a kayabe na na ning Ibpa. Iti ya ing mipakilala kekami.

1 Juan 2:19

E ta la tune kayabe deting tau, inya likuan da katamu. Uling nung tune lang kayabe tamu, menatili la sanang kayabe tamu. Oneng meko la, inya malino king ila ngan e la tune kekatamu.

1 Juan 2:25

At iti ya ing pengaku na kekatamung Cristo: bie alang angga.

1 Juan 5:11

At iti ya ing patutu: binie na kekatamu ning Dios ing bie alang angga at iti atyu king Anak na.

Judas 1:1

Ibat ya iting sulat kang Judas, ing talasuyu nang Jesu-Cristo at kapatad nang Santiago. Miparala ya karing sablang inaus na ning Dios, ding mabibie king lugud na ning Dios Ibpa at king saup nang Jesu-Cristo.

Judas 1:21

manatili kayu king lugud na ning Dios kabang panayan ye ing Ginu tamung Jesu-Cristo ban king lunus na dinan na kayung bie alang angga.

Judas 1:24

Ngeni itang maki upayang makasaup kekayu ban e kayu mitakid at ayarap na kayung alang kapintasan, at ating tula king ligaya na,

1 Samuel 2:9

Ingatan no ning Ginu ding tapat, oneng ding e mayap mate la libutad ning karalumduman. E na sa pangara ning tau ing sikanan na.