Juan 10:27 - Ing Mayap a Balita Biblia

²⁷ Makiramdam la king siwala ku ding kanakung tupa at akikilala ku la at tutuki la kanaku.

Juan 10:27 Iomraidhean Croise

1 Ari 18:21

Lepitan na lang Elias ding memalen at ngana karela, Nu pa anti kaluat bayu kayu makagawang metung a kapasyahan? Nung ing Ginu ya ing Dios, samban ye; nung i Baal dios ya, ya ing samban yu! Oneng e la bitasang mekibat ding memalen.

Isaias 66:22

Antimo nung makananung ing bayung yatu at ing bayung banua manatili la king kapamilatan na ning upaya ku, makanyan la namang manatili ding lahi yu at ing lagyu yu.

Mateo 16:24

Kaybat na nita, sinabi nang Jesus karing alagad na, Nung ing ninuman bisa yang tuki kanaku, sukat nang kalinguan ing sarili na, pusanan ne ing krus na at tuki ya kanaku.

Mateo 17:5

Kasalukuyan na pang magsalita inyang tikpan na la ning maslag a biga. Meramdam ya ibat king biga ing metung a siwala. Ngana, Iti ya ing Anak kung pakamalan a lubus kung katulan. Pakiramdaman ye!

Mateo 25:12

Oneng nganang mekibat karela, E malyari; e ra kayu kakilala.

Mateo 7:23

Oneng sabian ku kanita karela, Kapilan man e ra kayu kakilala. Dumayu kayu kanaku, ikayung e mayap a dapat!

Marcos 10:21

King mitmung lugud, linawe neng maratnang Jesus ing lalaki at ngana, Metung pang bage ing kulang keka. Muli ka, pisali mu ing sablang pibandian mu at ibie mu ing abli karing pakakalulu, at mika pibandian ka karin banua; kaybat tuki ka kanaku.

Marcos 8:34

Pepalapitan na lang Jesus ding dakal a tau at ding alagad na. Ngana karela, Nung bisa yang tuki kanaku ing ninuman, payalian na ing sarili na, pusanan ne ing krus na, at tuki ya kanaku.

Lucas 13:27

At sabian nang pasibayu kekayu, E ku balu nung nu kayu tau! Dumayu kayu kanaku, ikayung sablang marawak a dapat!

Lucas 9:23

At sinabi na naman karela ngan, Nung ing ninuman bisa yang tuki kanaku, kalinguan na ing sarili na, pusanan ne ing krus na aldo-aldo, at tuki ya kanaku.

Juan 10:14

Aku ing mayap a pastul. Balu ku la ding kanaku at balu da ku ding kanaku,

Juan 10:16

Atin kung aliwang tupa a ala pa keting kural. Kailangan ku la namang panimunan deti; at pakiramdaman da ing siwala ku. Maging metung nia mu ing kawan at metung ing pastul.

Juan 10:8

Mapanako la at tulisan ding sablang dinatang makauna kanaku, oneng ding tupa e da la pekiramdaman.

Juan 12:26

Ing ninumang bisang sumuyu kanaku kailangan yang tuki kanaku; nung nu ku karin, karin ya naman ing talasuyu ku. Parangalan neng Ibpa ku ing ninumang susuyu kanaku.

Juan 21:22

Pekibat nang Jesus, Nung burian kung mie ya angga king pamagbalik ku, nanu keka ita? Ika tuki ka kanaku!

Juan 5:25

Ing katutuan sasabian ku kekayu: daratang na ing panaun, at miras na, nung kapilan damdaman da ring mete ing siwala na ning Anak ning Dios. At detang makaramdam mie la.

Juan 8:12

Pasibayu yang migsalita i Jesus karing Pariseo. Ngana, Aku ing sulu na ning yatu. E ya lumakad king dalumdum ing tutuki kanaku, nune mika sulu yang babie bie.

Juan 8:43

Baket e yu aintindian ing sasabian ku? Uling e yu atanggap ing sasabian ku.

Ding Dapat 3:23

Ninuman ing e mamintu king sabian na ning propetang ita, mitiwalag ya king balen na at masintang ya.

1 Corinto 8:3

Oneng balu ne ning Dios ing taung lulugud keya.

Galacia 4:9

Oneng ngening akikilala yu ne ing Dios o ngening akikilala na kayu ning Dios, makananu kayu ngening bisang magbalik karing tuntunan a alang ulaga at alang sikanan? Obat bisa kayung pa-ipus karela?

2 Timoteo 2:19

Oneng ing matibe pundasyun a telakad na ning Dios e ya malyaring magalo at mitatakan yang anti kanini: Balu na la ning Dios ding bandi na at Ing balang mamaus king lagyu na ning Ginu kailangan yang gumulut king pamaniapat e mayap.

Hebreo 3:7

Inya, antimo ing sasabian na ning Banal a Espiritu, Nung damdaman yu ngeni ing siwala ning Dios,

Kapahayagan 14:4

Ila deti ring lalaking e mika kaugnayan karing babai; birhen lang lalaki. Tutuki la king Kordero nukarin ya man munta. Meyatbus la karing tau ban maging mumuna lang ain king Dios at king Kordero.

Kapahayagan 3:20

Lawan mu, makatalakad ku arap ning pasbul at tutuktuk; nung pakiramdaman na ning ninuman ing siwala ku at ibuklat ne ing pasbul, malaus ku king bale na at ya ampon aku miyabe kaming mangan.