Juan 10:20 - Ing Mayap a Balita Biblia

²⁰ Dakal la karela ding sinabi, Alipnan ne ning demonyu! Sira ya buntuk! Baket pakiramdaman ye?

Juan 10:20 Iomraidhean Croise

Isaias 53:8

Dekap de at sinintensia at kaybat liwal ban patayan; ala metung mang mekialam king meging keyang kapalaran. Pete re alang-alang king kasalanan ding kekatamung memalen.

Jeremias 29:26

Gewa na kang pari ning Ginu bilang kayalili nang Jeoiada, at ika na ngeni ing pamuntuk king Templo. Katungkulan mu ing siasatan me at itanikala ampon itali batal king bakal ing balang mamulang a taung magkunwaring propeta.

Mateo 10:25

Inya makagyu ne king magaral ketang maging kalupa ne ning talaturu na, at maging kalupa ne ning ipus ing panginuan na. Nung ausan deng Beelzebul ing buntuk ning pamilya, lalung marok ing iyaus da karing miembru ning pamilya na!

Mateo 11:18

Dinatang ya i Juan, mig-ayunu ya, at e mininum alak, at sinabi da ring tau, Maki demonyu ya!

Mateo 9:34

Oneng ngara ding Pariseo, Ing pamuntuk da ring demonyu ya ing babie upaya kang Jesus inya apapalualan na la ding demonyu.

Marcos 3:21

Kabud abalitan da iti ding kamaganak na minta la karin ba reng ilako, uling sasabian da ring tau, Masisira ya buntuk!

Juan 7:20

Mekibat la ding tau, Alipnan na ka pin ning demonyu! Ninu wari ing bisang makamate keka?

Juan 8:52

Ngara ding Judio, Ngeni, siguradu na kami king alipnan na ka pin ning demonyu! Mete ya i Abraham, antimu rin ding propeta; makanyan man sasabian mu, Ing tutupad king tuturu ku e na takman kapilan man ing kamatayan.

Ding Dapat 26:24

Kabang makanyan nang pagdipensang Pablo ing sarili na, kinulait ya keya i Festo. Ngana, Pablo, sira ka buntuk! Ing maragul mung kabiasnan sisiran na ka pamisip!