Juan 10:2 - Ing Mayap a Balita Biblia

² Oneng ing lulub king pasbul, ya ing pastul da ring tupa.

Juan 10:2 Iomraidhean Croise

Ding Dalit 23:1

Ing Ginu ya ing pastul ku, e ku magkulang king nanuman;

Ding Dalit 80:1

Pakiramdaman mu kami, O Pastul ning Israel, pakiramdaman mu kami, ikang pamuntuk ning kekang kawan. Ika a makalukluk king tronu babo da ring kerubin.

Ecclesiastes 12:11

Mengari la ding kasebian na ning taung biasa karing tulus a matilus a gagamitan na ning pastul ban maingat la ding papastulan na; anti lang paku ding kasebian na a makakutkut king kaisipan. Ing Dios, ing bukud mung kekatamung Pastul, ya ing minie kareti.

Isaias 40:11

Anti ing pastul ingatan neng kawan na; ding malating tupa tipunan na la, karing takde na kilikan na la; ding gaindu ra tairan na la king mitmung kaingatan.

Isaias 63:11

Oneng aganaka ra kanita ing karelang milabas, itang panaun nang Moises a talasuyu ning Ginu. Kaybat kitang da, Nu ya karin ngeni ing Ginung migligtas karing manimuna na ning balen na keta king dagat? Nu ya karin ing Ginung minie king banal nang espiritu kang Moises?

Ezekiel 34:23

Dinan ku lang ari a kalupa na ning talasuyu kung i David ban maging bukud dang pastul at e na la paburen.

Mikeas 5:5

at patupad na ing kapayapan. Potang salakayan da ne ring tau Asiria ing bansa tamu at akua ra nang milub king pader tamu, isagupa ta la karela ding pekamasikan tamung manimuna ban lumaban karela.

Zacarias 11:3

Ding pamuntuk manangis lang e makanyan-kanyan, uling karelang ligaya mewala na ngan! Pakiramdaman yu ing galeung ding leon; ing kagubatan a karelang tuknangan king Jordan mewala ya!

Zacarias 11:5

Papaten da la ring maniali kareti at makanyan man e la mipaparusan. Pisasali ra ing karni at ngarang sasabi, Salamat king Ginu! Mibandi ta na ngeni! Pati ding mismung pastul da e la malulunus karela. (

Zacarias 11:8

Milako ku kapibabatan karing atlung pastul a masama kanaku. At kilub na mu ning pabulan tinabi ku la.

Zacarias 13:7

Sasabian na ning Ginung Mayupaya, Espada, migising ka at dalusungan me ing pastul a makipagobra kanaku! Paten me at misambulat la ding tupa. Lusuban ku la ding kanakung memalen

Mateo 15:11

Aliwa ing lulub king asbuk ning tau ing makarinat keya nune itang lulual king asbuk na.

Juan 10:14

Aku ing mayap a pastul. Balu ku la ding kanaku at balu da ku ding kanaku,

Juan 10:7

Inya pasibayu nang sinabing Jesus karela, Ing katutuan sasabian ku kekayu: Aku ing pasbul na ning kural da ring tupa.

Juan 10:9

Aku ing pasbul. Miligtas ya ing ninumang lungub king kapamilatan ku. Malaya yang lungub at lual at makatagpu yang pastulan.

Ding Dapat 20:28

Ingatan yu sa ing kekayung sarili at ing mabilug a kawan a binili na ning Banal a Espiritu king kekayung kapanibalan. Pastulan ye sa ing iglesia na ning Dios a pemuhunan na king mismung daya na ning Anak na.

1 Timoteo 4:14

E mu paburen ing regalung espiritual a atyu keka a miyabie keka inyang mangamanu la ding propeta, at inyang ding makatua na ning iglesia timpak da la ring gamat da keka.

Tito 1:5

Likuan da ka Creta ban samasnan mu la ding bage kailangan pang ibayu at ban tuldung makatuang talapangasiwa king iglesia na ning balang balen antimo ing penabilin ku keka.

Hebreo 13:20

Ing Dios a panibatan na ning sablang kapayapan ya ing pepasubling mebie kang Jesus a Ginu tamu, ing Marangal a Pastul da ring tupa; uli na ning daya na a meging katibayan na ning alang anggang kasunduan.

1 Pedro 2:25

Mengari kayung tupang melili; oneng ngeni migbalik na kayu king Pastul at Talaingat da ring kekayung kaladua.

1 Pedro 5:4

At potang palto ne ing Pamuntuk a Pastul, tanggapan ye itang maligayang korona a kapilan man e kumupas.

Kapahayagan 1:20

Iti ya ing lihim dang kabaldugan ding pitung batuin a tatalnan ku king gamat kung wanan at ding pitung tumpakan-sulu: ding pitung batuin ila ding anghel da ring pitung iglesia, at ding pitung tumpakan-sulu ila kabud ding pitung iglesia.