Juan 10:17 - Ing Mayap a Balita Biblia

¹⁷ Kaluguran na ku ning Ibpa uling makasadia kung ibie ing kanakung bie ba keng tanggapan pasibayu.

Juan 10:17 Iomraidhean Croise

Isaias 42:1

Nganang sasabi ning Ginu, Oyni ing kakung talasuyung kakung pasiknangan; ya ing kakung pinili at bina kung matula. Kitmuan ke king kakung upaya, at king balang bansa idala na ing hustisia.

Isaias 42:21

Ing Ginu Dios yang matulang magligtas, inya ding keyang kautusan at turu dininan na lang dangal, at buri na king kilalanan na la ning balen na.

Juan 10:11

Aku ing mayap a pastul. Makasadia yang mate ing mayap a pastul para karing tupa na.

Juan 10:15

nung makananung ing Ibpa balu na ku at ing Ibpa balu ke. At babie ku ing kanakung bie para karing tupa.

Juan 10:18

E ne akua ninuman kanaku iting bie, nune kusa keng babie iti. Atin kung upayang ibie at upayang kumang pasibayu kaniti. Iti ya ing utus na kanakung Ibpa ku.

Juan 3:25

Mekiargu la ding mapilan karing alagad nang Juan king metung a Judio tungkul king seremonia na ning pamanos.

Hebreo 1:9

Kaluguran mu ing matulid, at pikakasaman mu ing dewakan; inya ing Dios a kekang Dios pinili na ka at dininan king tula ning dangalan a mimigit e palak kesa king binie na karing kekang kayabe.

Hebreo 2:9

Oneng ing akakit tamu ya i Jesus a king sinaguling panaun megawang mababang ditak kesa karing anghel. Ngeni akakit ta yang makakorona king ligaya at dangalan uli na ning kamatayan a delanan na. Kaburian na ning Dios king takman yang kamatayan i Jesus para kekatamu ngan.