Juan 10:16 - Ing Mayap a Balita Biblia

¹⁶ Atin kung aliwang tupa a ala pa keting kural. Kailangan ku la namang panimunan deti; at pakiramdaman da ing siwala ku. Maging metung nia mu ing kawan at metung ing pastul.

Juan 10:16 Iomraidhean Croise

Genesis 49:10

E ya mako misan man ing setro kang Juda ni ing simbulu ning kayupayan na. Angga king datang ya itang talan king setro mu a sukat dang pamintuan ding tau.

Ding Dalit 86:9

Ding bansang kekang lelangan keka lumapit la, ban samba at munie kapurian king kekang lagyu.

Ecclesiastes 12:11

Mengari la ding kasebian na ning taung biasa karing tulus a matilus a gagamitan na ning pastul ban maingat la ding papastulan na; anti lang paku ding kasebian na a makakutkut king kaisipan. Ing Dios, ing bukud mung kekatamung Pastul, ya ing minie kareti.

Isaias 11:10

Datang ing aldo potang ing bayung aring ibat king lahi nang David maging tanda ya para karing sablang bansa. Mitipun la ding bansa king banal a siudad at parangalan de.

Isaias 43:6

King norti kakung sabian ing pabustan na lang muli, at king mauli ing e na la sa sasabatan. Pabustan yeng magbalik ing balen ku ibat karing bansang marayu, at king balang suluk ning yatu.

Isaias 49:6

Ngana kaku ning Ginu, Kakung talasuyu, atin kung mas maragul a paobra keka; e mu ing ibalik mu ing dangalan ding mitagan a memalen ning Israel, nune gawan da ka namang sulu para karing sablang bansa, ban ing mabilug a yatu miligtas ya.

Isaias 52:10

Gamitan ning Ginu ing banal nang upaya; iligtas na la ding memalen na at mabilug a yatu iti akit na.

Isaias 56:8

Ing Ginung Dios a miyuli king balen nang Israel ibat pangayugse na king marayung lugal, pengaku nang ituki na la ding aliwang tau ban makiabe la karela.

Ezekiel 34:12

Nung makananu na lang panintunan ning pastul ding tupang misalbag at kaybat tipunan na la, makanyan munaman ing daptan ku. Kuanan ku la karing miyayaliwang lugal nung nu la mikalat kanitang aldo ning dalumdum at kasiran.

Ezekiel 34:23

Dinan ku lang ari a kalupa na ning talasuyu kung i David ban maging bukud dang pastul at e na la paburen.

Ezekiel 34:6

Iti ya ing sangkan nung inya gala-gala la ding kanakung tupa karing matas a bunduk-bundukan at bunduk. Mikalat la king yatu at ala metung mang migmalasakit o menintun karela.

Ezekiel 37:22

Pisanmetungan ku la ban maging metung la mung bansa king karelang tuknangan, karing bunduk ning Israel. Mika metung la mung ari a manimuna karela at e na la kapilan man mikawani pa anting aduang bansa o aduang kayarian.

Ezekiel 37:24

Ing metung a aring kalupa na ning talasuyu kung i David ya ing maging ari da. Misanmetung la lalam nang pamanibala ning metung a pamuntuk, at tuparan da la ring kautusan ku king mitmung katapatan.

Hosea 1:10

Maging anti la king balas ning dagat ding memalen na ning Israel; e la malyaring bilangan o sukdan man. Ngeni sasabian na ning Dios karela, E ra na kayu memalen, oneng datang ya ing aldo a sabian na karela, Ikayu ding anak na ning Dios a mabie!

Zacarias 2:11

King aldong ita dakal lang bansa ding lumapit king Ginu at maging memalen na la munaman. Manuknangan ya libutad yu at abalu yu king tinubud na ku kekayu.

Mateo 17:5

Kasalukuyan na pang magsalita inyang tikpan na la ning maslag a biga. Meramdam ya ibat king biga ing metung a siwala. Ngana, Iti ya ing Anak kung pakamalan a lubus kung katulan. Pakiramdaman ye!

Lucas 15:8

O nung ing metung a babaing ating apulung salaping pilak kebatingan yang metung kareti, nanu ing daptan na? Sindi yang sulu; palisan ne ing bale at panintunan neng masalese anggang e ne akit.

Juan 10:11

Aku ing mayap a pastul. Makasadia yang mate ing mayap a pastul para karing tupa na.

Juan 10:2

Oneng ing lulub king pasbul, ya ing pastul da ring tupa.

Juan 10:27

Makiramdam la king siwala ku ding kanakung tupa at akikilala ku la at tutuki la kanaku.

Juan 10:3

Ya ing bubuklatanan na ning bante pasbul. Pakiramdaman da ring tupa ing siwala na kabang ausan na la king lagyu ra at panimunan na la king paglual da.

Juan 10:4

At nung alual na na la ngan, manimuna ya karela at tukian de ring tupa uling balu re ing siwala na.

Juan 10:5

Oneng e re tukian ing aliwang tau, nune takasan de uling e re balu siwala ing aliwang tau.

Juan 11:52

At e mu para king bansang iti nune ban tipunan na lang anting metung mu ding makakalat nang anak ning Dios.

Juan 17:20

E mu ila ding ipanalangin ku, nune pati na detang maniwala kanaku uli na ning karelang patutu.

Juan 6:37

Lumapit la kanaku ding sablang babie na ning Ibpa kanaku at e ke tanggian ing ninumang lumapit kanaku,

Ding Dapat 15:14

Kaybat-ibat na pa mung lerawan Simon nung makananu nang minunang pepakit ning Dios ing malasakit na karing paganu inyang atin yang piniling balen karela a maging sarili na.

Ding Dapat 18:10

uling kayabe mu ku. E na ka ananu balang ning ninuman, uling kanaku la ding keraklan karing tau king siudad a iti.

Ding Dapat 22:14

Ngana kanaku, Ing Dios da ring kekatamung makatua pinili na kang makakilala king kaburian na, manakit king banal nang Talasuyu at damdaman meng magsalita king sarili nang bosis.

Roma 11:25

Kapatad, pota isipan yu king balu yu na ing sabla. Buri kung abalu ye ngan ing katutuan a makalihim. Anti ya keni: e manatili kabang panaun ing kesiasan na lub Israel. Manatili mu angga potang ing mabilug a yatung e Judio akua na nang matanggap king Dios.

2 Tesalonica 2:13

Sukat kaming parating babie pasalamat king Dios king uli yung kapatad a pakamalan na ning Ginu. Pasalamat kami uling pinili na kayu bilang mumunang dinan nang kaligtasan king kapamilatan na ning Espiritung papagbanal kekayu, at ning pamaniwala yu king katutuan.

Hebreo 13:20

Ing Dios a panibatan na ning sablang kapayapan ya ing pepasubling mebie kang Jesus a Ginu tamu, ing Marangal a Pastul da ring tupa; uli na ning daya na a meging katibayan na ning alang anggang kasunduan.

1 Pedro 2:10

Kanitang misan e kayu man metung a balen, oneng ngeni balen kayung pinili na ning Dios; kanitang misan e yu man balu ing lunus na ning Dios, oneng ngeni tinggap yu ing lunus na.

1 Pedro 2:25

Mengari kayung tupang melili; oneng ngeni migbalik na kayu king Pastul at Talaingat da ring kekayung kaladua.

1 Pedro 5:4

At potang palto ne ing Pamuntuk a Pastul, tanggapan ye itang maligayang korona a kapilan man e kumupas.

Kapahayagan 3:20

Lawan mu, makatalakad ku arap ning pasbul at tutuktuk; nung pakiramdaman na ning ninuman ing siwala ku at ibuklat ne ing pasbul, malaus ku king bale na at ya ampon aku miyabe kaming mangan.