Juan 10:14 - Ing Mayap a Balita Biblia

¹⁴ Aku ing mayap a pastul. Balu ku la ding kanaku at balu da ku ding kanaku,

Juan 10:14 Iomraidhean Croise

Ding Dalit 1:6

Ingatan ne ning Ginu ing taung makatuliran, oneng ing taung makasalanan miras ya king kapahamakan.

Isaias 40:11

Anti ing pastul ingatan neng kawan na; ding malating tupa tipunan na la, karing takde na kilikan na la; ding gaindu ra tairan na la king mitmung kaingatan.

Isaias 53:11

Kaybat ning bie nang mitmung kasakitan, pasibayu yang mika kaligayan; abalu na king e mewalang kabaldugan ing keyang kasakitan. Ing tapat kung talasuyu a tutu kung pitutulan tanggapan na ing parusang mangaintulid karing dakal, at alang-alang keting talasuyu patawaran ku la.

Nahum 1:7

Ing Ginu mayap ya; ingatan na lang memalen na king oras ning kaligaligan da; ding magbalik sasaupan na la.

Juan 10:11

Aku ing mayap a pastul. Makasadia yang mate ing mayap a pastul para karing tupa na.

Juan 10:13

Tatakas ya ing taung upahan uling upahan ya mu at ala yang malasakit karing tupa.

Juan 10:27

Makiramdam la king siwala ku ding kanakung tupa at akikilala ku la at tutuki la kanaku.

Juan 17:3

Iti ya ing bie alang angga: ing akilala ra ka, ikang bukud ing tune Dios at i Jesu-Cristo a kekang tinubud.

Juan 17:8

uling tiru ku la king amanung tinggap ku keka at tinggap da iti. Abalu ra king tune kung menibat keka at meniwala la king tinubud mu ku.

2 Corinto 4:6

Uling ing Dios a sinabing Busal ning karalumduman, sunlag ya ing sulu, ya mu rin ing Dios a babie aslag king kekatamung pusu ban makilala ing ligaya na ning Dios a mihayag king lupa nang Cristo.

Efeso 1:17

at aduan ku king Dios ning Ginu tamung Jesu-Cristo, ing marangal a Ibpa, king ibie ne sa kekayu ing Espiritung babie kabiasnan kekayu at pakilala king Dios ban lubus yeng abalu.

Efeso 3:19

At akilala yu sana ing lugud a e na abut ipamasala ning kaisipan, ban mikatmuan kayung lubus king sablang ganap a atyu king Dios.

Filipos 3:8

At e mu ding bage deta, nune ing sabla lalawan kung alang kapakinabangnan alang-alang king metung a bage a tutung maulaga; iti ya't e aliwa ing aku akilala ke i Cristo Jesus a Ginu ku. Alang-alang kang Cristo Jesus, pibatan ku ing pangabating na ning sabla; lalawan kung anting alang kwenta ing sabla akamtan kia sana i Cristo

2 Timoteo 1:12

at iti ya ing sangkan nung inya magdusa ku. Makanyan man, e ku pikakarine iti uling lubus keng akikilala ing kanakung panaligan at balu ku king agyu nang ingatan ing penibala na kanaku angga king paniatang na ning Aldo.

2 Timoteo 2:19

Oneng ing matibe pundasyun a telakad na ning Dios e ya malyaring magalo at mitatakan yang anti kanini: Balu na la ning Dios ding bandi na at Ing balang mamaus king lagyu na ning Ginu kailangan yang gumulut king pamaniapat e mayap.

1 Juan 5:20

At balu tamu king dinatang ya keti king yatu ing Anak ning Dios at dininan na katamung pamanalastas ban akilala ta ya ing Dios a tutu, at king itamu atyu tamu king Dios a tutukayabe nang Jesu-Cristo a Anak na. Ya ing Dios a tutu at ya ing bie alang angga.

Kapahayagan 2:13

Balu ku king manuknangan ka king lugal nung nu ya makabili ing tronu nang Satanas. Makanyan man, manatili kang tapat kanaku. E mu tinggian ing kasalpantayanan mu kanaku inyang i Antipas a tapat kung talasuyu pete re ken king balen a panuknanganan nang Satanas.

Kapahayagan 2:19

Balu ku ing daraptan mu, ing lugud mu, katapatan, kasuyuan at kapibabatan. Balu kung maygit kesa king sadya ing daraptan mu ngeni.

Kapahayagan 2:2

Balu ku ing depat mu, ing kapagalan mu at kapibabatan king pamakiarap mung kasakitan. Balu ku king e mu peintulut ing e mayap. Balu ku king sibukan mu la ding sasabing apostol la at apatunayan mu king e la tune apostol.

Kapahayagan 2:9

Balu ku ing kapagsubukan a daralanan mu. Balu ku king pakakalulu ka, oneng mabandi ka king tune pibandian. Balu ku ing pamanyirang puri a daraptan da keka ding magpanggap Judio; oneng king kamatutuanan kampun na lang Satanas.

Kapahayagan 3:1

Isulat mu iti king anghel na ning iglesia karin Sardis: Iti ya ing sasabian na nitang ating pitung espiritu na ning Dios at ating pitung batuin. Balu ku ing daraptan mu. Balu ku king isipan da king mabie ka; oneng king kamatutuanan mete ka.

Kapahayagan 3:15

Balu ku ing depat mu. E ka marimla ni mapali. Sana marimla ka o kaya mapali!

Kapahayagan 3:8

Balu ku ing kekang dapat; balu ku king ditak mu ing agyu mu, oneng tiparan mu ing turu ku at meging tapat ka kanaku. Uli na niti, biklat ke ing metung a pasbul king arapan mu at ala metung mang makasara kaniti.