Juan 10:11 - Ing Mayap a Balita Biblia

¹¹ Aku ing mayap a pastul. Makasadia yang mate ing mayap a pastul para karing tupa na.

Juan 10:11 Iomraidhean Croise

2 Samuel 24:17

Nganang David king Ginu inyang ikit na lang pamaten na la ning anghel ding memalen, Aku ing mikasala. Tune e mayap ing depat ku. Ala lang kasalanan deting tau. Aku at ing pamilya ku ing parusan yu.

Ding Dalit 23:1

Ing Ginu ya ing pastul ku, e ku magkulang king nanuman;

Ding Dalit 80:1

Pakiramdaman mu kami, O Pastul ning Israel, pakiramdaman mu kami, ikang pamuntuk ning kekang kawan. Ika a makalukluk king tronu babo da ring kerubin.

Isaias 40:11

Anti ing pastul ingatan neng kawan na; ding malating tupa tipunan na la, karing takde na kilikan na la; ding gaindu ra tairan na la king mitmung kaingatan.

Isaias 53:6

Mengari tamung tupang mebating; ing balang metung kekatamu minarap ya king sarili nang dalan. Oneng ing Ginu tilutan nang dugpa king keyang talasuyu ing kaparusan, itang parusang kekatamu mangaintuliran.

Ezekiel 34:2

Ngana, Anak ning tau, magsalita kang laban karing pamuntuk na ning Israel. Sabian mu ing ula karela at king aku, ing Ginung Dios, pasabi ku karela king miyatulan na la bilang pastul ning Israel! Lilingapan yu ing sarili yu, oneng e yu la kapilan man lingapan ding tupa.

Ezekiel 34:23

Dinan ku lang ari a kalupa na ning talasuyu kung i David ban maging bukud dang pastul at e na la paburen.

Ezekiel 37:24

Ing metung a aring kalupa na ning talasuyu kung i David ya ing maging ari da. Misanmetung la lalam nang pamanibala ning metung a pamuntuk, at tuparan da la ring kautusan ku king mitmung katapatan.

Mikeas 5:4

Potang datang ne, pamahalan na la ding kabalen na king upayang manibatan king Ginu at king kamalan na mismu ning Ginung Dios. Mibiebie lang panatag ding memalen na, uling tanggapan da ring tau king mabilug a yatu ing dangalan na,

Zacarias 13:7

Sasabian na ning Ginung Mayupaya, Espada, migising ka at dalusungan me ing pastul a makipagobra kanaku! Paten me at misambulat la ding tupa. Lusuban ku la ding kanakung memalen

Mateo 20:28

antimo ing Anak ning Tau e dinatang ban suyuan, nune ban sumuyu at iyain ing bie na ban mayatbus la ding dakal.

Juan 10:2

Oneng ing lulub king pasbul, ya ing pastul da ring tupa.

Juan 15:13

Ala nang lugud a maygit pa kesa ketang ibie na ning metung a tau ing bie na para karing kakaluguran na.

Efeso 5:2

Mibiebie kayung mitmung lugud antimo i Cristo; uli na ning kaluguran na katamu, inain na ing bie na bilang mabanglung ain at sakripisyung makaligaya king Dios.

Tito 2:14

Binie na ing sarili na para kekatamu ba na katamung sagipan king sablang e mayap at gawan na katamung bansang bandi nang sarili, malinis at makatalaga king pamaniapat mayap.

Hebreo 13:20

Ing Dios a panibatan na ning sablang kapayapan ya ing pepasubling mebie kang Jesus a Ginu tamu, ing Marangal a Pastul da ring tupa; uli na ning daya na a meging katibayan na ning alang anggang kasunduan.

1 Pedro 5:4

At potang palto ne ing Pamuntuk a Pastul, tanggapan ye itang maligayang korona a kapilan man e kumupas.

1 Juan 3:16

Kaniti ta ya akikilala ing tune lugud: inain nang Cristo ing bie na king uli tamu. Kailangan tamu namang iyain ing bie tamu king uli da ring kapatad.

Kapahayagan 7:17

Uling ing Kordero a atyu libutad ning tronu ya ing maging pastul da, at idala na la karing sibul ning danum a babie bie, at pulisan nang lubus ning Dios ing lua karing mata ra.