Juan 10:1 - Ing Mayap a Balita Biblia

¹ Ing katutuan sasabian ku kekayu: ing lulub king kural da ring tupa a e daralan king pasbul nune king aliwang paralan, ing taung ita mapanako ya at tulisan.

Juan 10:1 Iomraidhean Croise

Jeremias 14:15

Aku, ing Ginu, sasabian ku keka ing daptan ku kareting propetang e ku naman tinubud, oneng magsalita la king kapamilatan na ning lagyu ku at sasabi king ing gera at danup e miras keting bansa: ila ding paten ku king gera at danup.

Jeremias 23:21

Nganang sinabi ning Ginu, E ku la tinubud deting propeta, makanyan man linual la. Ala kung binie nanumang amanu ku karela, oneng migsalita la mu rin king lagyu ku.

Jeremias 23:32

Aku, ing Ginu, makiramdam ka king kakung sabian! Laban ku karing propetang magsalita karing apaninap da at lilili ding taung kanakung pinili, at pati ding karelang kalaraman at pamagmayabang. E ku la tinubud ni inutusan lumual at ala no mang bitasang silbi karing tau. Aku, ing Ginu, ing migsalita.

Joel 2:9

Mabilis lang lulub king siudad, lulundagan da lang pader a matas; bale karela lang papanikan, at anti lang mapanako daralan karing awang.

Mateo 7:15

Mangilag kayu karing e tutung propeta; daratang la kekayung makabalatkayung tupa, oneng king kamatutuanan asu lang gubat a mabangis.

Juan 10:7

Inya pasibayu nang sinabing Jesus karela, Ing katutuan sasabian ku kekayu: Aku ing pasbul na ning kural da ring tupa.

Juan 3:3

Mekibat ya i Jesus, Ing katutuan sasabian ku keka: subali mu nung mibait yang pasibayu ing tau e ne akit ing Kayarian ning Dios.

Roma 10:15

Makananu namang mika talapanaral, nung alang mituburan manaral? Agpang king sasabian na ning kasulatan, Kasampat na ning paniatang da ring manaral king Mayap a Balita!

Roma 16:18

Uling ding darapat king anti kareting bage e re susuyuan i Cristo a Ginu tamu, nune ding sarili dang atian ilang karelang susuyuan. King masanting at makawili dang pamagsalita lilinlangan da la ring taung alang balu.

Tito 1:11

Kailangan lang sugpuan uling guguluan da la ring kabilugan a pamilya king pamanuru da king bage a e ra sukat ituru. Ing bukud mung buri da ya ing manakitan lang salapi at iti tutung makarine.

Hebreo 5:4

Ing dangalan a maging pekapun ding pari e na malyaring kuanan ning ninuman king sarili nang kaburian. Ing Dios ya ing mamaus keya, antimo ing pangayaus nang Aaron.

1 Pedro 1:10

Iti ya ing kaligtasan a penintun dang mitmung kaingatan ding propeta a menula tungkul kaniting regalung ibie na ning Dios kekayu.

2 Pedro 2:1

Nung makananu kanitang minunang panaun ating linto propetang e tutu karing tau Israel, makanyan munaman ating lunto e tutung talaturu libutad yu. King karelang kabiasnan, ituru da kayu king e tutu a makasira king kekayung kasalpantayanan. Tanggian de ing Ginung migligtas karela angga king miras karela ing kapahamakan a e ra isip-isipan.

2 Pedro 2:3

King karelang kasakiman, paglinlangan da kayu karing makawiling pamagsalita ba rang akua ing kekayung kayatinan. Malambat neng makasadia ing Manukum karela at e ya matudtud ing Mamuksa karela.

1 Juan 4:1

Pakamalan kung kakaluguran, e yu la ngan paniwalan ding sasabing atyu karela ing Espiritu. Nune subukan yu la pa mu ban abalu yu nung ibat ya king Dios ing espiritung atyu karela. Uling dakal la ding lunto propetang e tutu king yatu.