Juan 1:9 - Ing Mayap a Balita Biblia

⁹ Iti ya ing tune sala a daratang king yatu ban munie sala karing sablang tau.

Juan 1:9 Iomraidhean Croise

Isaias 49:6

Ngana kaku ning Ginu, Kakung talasuyu, atin kung mas maragul a paobra keka; e mu ing ibalik mu ing dangalan ding mitagan a memalen ning Israel, nune gawan da ka namang sulu para karing sablang bansa, ban ing mabilug a yatu miligtas ya.

Isaias 8:20

Ipakibat yu naman karela, Makiramdam kayu king nanumang tuturu na kekayu ning Ginu! E kayu makiramdam karing makipagsalita karing espiritu da ring mete. Ala kayung akua king nanumang sabian da kekayu.

Mateo 6:23

Nung e la mayap ding kekang mata, dalumdum ya naman ing mabilug mung pamikakatawan. Inya nung ing sala'ng atyu keka karalumduman ya pala, karagul na kasi ning karalumduman a ita!

Lucas 11:36

Inya nung mitmu yang sala ing mabilug mung katawan at alang bitasang dalumdum, iti lubus yang masala anti ing sulung maslag a tatangad keka.

Juan 1:4

Atyu keya ing bie at iting bie ya ing migdalang sala karing tau.

Juan 1:7

Dinatang ya ban munie patutu tungkul king sala ban king kapamilatan na ning pamipatutu na maniwala la ding sabla.

Juan 12:46

Dinatang ku keti king yatu antimong sala ban ding sablang maniwala kanaku e na la manatili king dalumdum.

Juan 14:6

Pekibat nang Jesus, Aku ing dalan, ing katutuan, at ing bie. Alang malyaring miras king Ibpa nung e mu king kapamilatan ku.

Juan 15:1

Aku ing tune tanaman a ubas at ing Ibpa ku ya ing mananaman.

Juan 6:32

Nganang mekibat Jesus, Ing katutuan sasabian ku kekayu: aliwa i Moises ing minie kekayu king tinapeng ibat banua; nune ing Ibpa ku ya ing babie king tune tinape a ibat banua.

Juan 7:12

At misisitsitan la ding dakal a tau tungkul kang Jesus. Ngara ding aliwa, Mayap yang tau. Ali ya, uling lilili na la deng tau, ngara naman ding aliwa pa.

1 Juan 1:8

Nung sasabian tamung ala tamung kasalanan, pipiraitnan tamu ing kekatamung sarili at ala yu kekatamu ing katutuan.

1 Juan 2:8

Makanyan man ituring yeng bayung kautusan iting susulat ku kekayu. Bayu ya, uling lilipas na ing karalumduman at saslag ne ing tune sala. Ing katutuan na niti meyakit king bie nang Cristo at mayayakit munaman iti kekayu.

1 Juan 5:20

At balu tamu king dinatang ya keti king yatu ing Anak ning Dios at dininan na katamung pamanalastas ban akilala ta ya ing Dios a tutu, at king itamu atyu tamu king Dios a tutukayabe nang Jesu-Cristo a Anak na. Ya ing Dios a tutu at ya ing bie alang angga.