Juan 1:51 - Ing Mayap a Balita Biblia

⁵¹ At tiglung nang Jesus, Ing katutuan sasabian ku kekayu ngan: akit yeng makabuklat ing banua at tipa-manik la ding anghel ning Dios king tulid ning Anak ning Tau.

Juan 1:51 Iomraidhean Croise

Genesis 28:12

Meninap ya; ikit ne king paninap na ing metung a eran; makatalakad ya iti king gabun at mamabut ya banua. Tipa-manik la king eran ding anghel na ning Dios. ...ikit ne king paninap na ing metung a eran; makatalakad ya iti king gabun at mamabut ya banua.

Ezekiel 1:1

King kalimang aldo na ning kapat a bulan ning katlung pulung banua, aku, i Ezekiel a pari, ing anak nang Buzi, at ding Judiong miyugse, manuknangan ku king lele ning Ilug ning Kebar karin Babilonia. Mibuklat ya ing banua at ikit ku la ding vision na ning Dios. (

Zacarias 13:7

Sasabian na ning Ginung Mayupaya, Espada, migising ka at dalusungan me ing pastul a makipagobra kanaku! Paten me at misambulat la ding tupa. Lusuban ku la ding kanakung memalen

Mateo 25:31

Potang datang ne ing Anak ning Tau antimong Aring makamal at ding sablang anghel a kayabe na, lukluk ya king mal a tronu.

Mateo 26:24

Arapan na ning Anak ning Tau ing kamatayan na, antimo ing sasabian ding Kasulatan, oneng makalunus ne itang taung maging kasangkapan na ning pamagtaksil king Anak ning Tau! Mayap pa ing e ne mibait!

Mateo 3:16

Kabinyag nang Jesus, agad yang sinaka king danum at mibuklat ya ing banua. Ikit ne ing Espiritu ning Dios at kukuldas yang balamu metung a patipati at tinuklu ya keya.

Mateo 4:11

Likuan ne kanita ning diablo; dinatang la ding anghel at sinilbian de.

Mateo 8:20

Nganang mekibat Jesus, Atin lang lunggang pisuluran ding asung-gubat at atin lang sale ding ayup, oneng ing Anak ning Tau ala ya mang apipagpaynawan.

Mateo 9:6

Ipakit ku ngeni kekayu king ing Anak ning Tau atin yang upayang mamatawad kasalanan keti king yatu. Inya nganang sinabi king paralitiko, Talakad ka, idala me ing pagkeran mu at muli na ka.

Marcos 1:10

Kabud kasaka nang Jesus king danum ikit neng mibuklat ing banua at ikit ne ing Espiritu titipa ya keya antimo ing metung a patipati.

Marcos 14:62

Aku, nganang mekibat Jesus. At ikayu akit ye ing Anak ning Tau a makalukluk king banda nang wanan ning Mayupaya. Akit yeng daratang a kayabe da ring biga banua!

Lucas 2:13

At bigla yang meyakit siping na ning anghel ing metung a maragul a grupu ding anghel banua. Ngarang pupuri king Dios,

Lucas 2:9

Bigla yang pepakit karela ing anghel ning Ginu. At linaganap king makapatulug ing makasilo nang ligaya ning Ginu. Tiblan na la ning maragul a takut!

Lucas 22:43

Pepakit ya kang Jesus ing metung a anghel a ibat banua at pepasiknangan ne lub.

Lucas 22:69

Oneng manibat ngeni lukluk ya ing Anak ning Tau king banda nang wanan ning Dios a Mayupaya.

Lucas 24:4

Megulu la pamisip king milyari at kabud-abud ikit da lang atyu karin ding aduang lalaking makaimalan a makasilo.

Lucas 3:21

Mebinyag la ngan ding taung atyu karin at pati na i Jesus. Kabang manalangin ya i Jesus mibuklat ya ing banua.

Juan 1:50

Mekibat ya i Jesus, Maniwala ka wari uli na mu ning sinabi ku kekang ikit da kang atyu lalam ning tanaman a higera? Maygit pa kanyan ing akit mu!

Juan 10:1

Ing katutuan sasabian ku kekayu: ing lulub king kural da ring tupa a e daralan king pasbul nune king aliwang paralan, ing taung ita mapanako ya at tulisan.

Juan 10:7

Inya pasibayu nang sinabing Jesus karela, Ing katutuan sasabian ku kekayu: Aku ing pasbul na ning kural da ring tupa.

Juan 13:16

Ing katutuan sasabian ku kekayu: e ya maygit ing ipus king panginuan na ni e ya maygit ing tinubud king mitubud keya.

Juan 13:38

Mekibat ya i Jesus, Idame mu ing bie mu kanako? Ing katutuan sasabian ku keka: alingad mu na kung mekatatlu bayu ya tulauk ing tatyo.

Juan 14:12

Ing katutuan sasabian ku kekayu: ing maniwala kanaku makarapat ya naman karing dapat a daraptan ku, at maygit pa kareti uling munta ku king Ibpa.

Juan 16:20

Ing katutuan sasabian ku kekayu: tumangis kayu at lungkut, oneng tumula ya ing yatu. Lungkut kayu, oneng miyalilan tula ing lungkut yu.

Juan 16:23

King aldo ita, ala na kayung aduan nanuman kanaku. Ing katutuan sasabian ku kekayu: nung maniawad kayung nanuman king Ibpa king lagyu ku, ibie na iti kekayu.

Juan 21:18

Ing katutuan sasabian ku keka: inyang kayanakan ka ika ing mibiblas king sarili mu at lalakad ka nung nu ka bisang munta. Potang tumua ka, iyatiat mu la ding gamat mu at aliwa ya ing miblas keka at midala keka king lugal a e ka bisang munta.

Juan 3:3

Mekibat ya i Jesus, Ing katutuan sasabian ku keka: subali mu nung mibait yang pasibayu ing tau e ne akit ing Kayarian ning Dios.

Juan 3:5

Mekibat ya i Jesus, Ing katutuan sasabian ku keka: subali mu nung mibait ya king danum at king Espiritu ing tau e ya makalub king Kayarian ning Dios.

Juan 5:19

Nganang Jesus karela, Ing katutuan sasabian ku kekayu: ala yang arapat ing Anak king sarili nang kaburian, nune daraptan na mu itang akakit nang daraptan na ning Ibpa. Nanuman ing daraptan na ning Ibpa ya naman ing daraptan na ning Anak.

Juan 5:27

Dininan neng upayang matul uling ya ing Anak ning Tau.

Juan 6:26

Nganang mekibat, Ing katutuan sasabian ku kekayu: panintunan yu ku e uling ikit yu la ding depat kung milagru, nune uling mengan kayu at kinabsi karing tinape.

Juan 6:32

Nganang mekibat Jesus, Ing katutuan sasabian ku kekayu: aliwa i Moises ing minie kekayu king tinapeng ibat banua; nune ing Ibpa ku ya ing babie king tune tinape a ibat banua.

Juan 6:47

Ing katutuan sasabian ku kekayu: atin yang bie alang angga ing maniwala.

Juan 6:53

Nganang Jesus karela, Ing katutuan sasabian ku kekayu: nung e kayu mangan king laman na ning Anak ning Tau at minum king daya na e kayu mika bie king sarili yu.

Juan 8:34

Mekibat ya i Jesus karela, Ing katutuan sasabian ku kekayu: ing balang mikakasala ipus ne ning kasalanan.

Juan 8:51

Ing katutuan sasabian ku kekayu: ing tutupad king tuturu ku e na takman kapilan man ing kamatayan.

Juan 8:58

Mekibat ya i Jesus, Ing katutuan sasabian ku kekayu: atyu na ku bayu ya mibait i Abraham.

Ding Dapat 10:11

Ikit neng mibubuklat ing banua, at menakit yang metung a balamu maragul a ulas a babaldug da karing apat nang suluk ning yatu.

Ding Dapat 7:56

Nganang sinabi, Lawan yu, akakit keng makabuklat ing banua at makatalakad ya ing Anak ning Tau king banda nang wanan ning Dios!

2 Tesalonica 1:7

At ikayu namang mibata dinan na kayung kasnawan at antimu rin ikami. Daptan na iti potang datang yang manibat banua ing Ginung Jesus a kayabe ding mayupaya nang anghel.

2 Tesalonica 1:9

Ing maging parusa da ya ing alang anggang kapahamakan at pangawale king Ginu at king maligaya nang kayupayan.

1 Timoteo 3:16

Tune ping malalam ing misteryo na ning kekatamung relihiun: Pepakit ya king porma ning tau, pepatutuan ne ning Espiritu, at ikit de ring anghel. Mipanaral ya king mabilug a yatu, peniwalan de ring sablang tau, at minukiat ya banua.

Hebreo 1:14

Nung makanyan, nanu la pin mo ding anghel? Pawa lang espiritung susuyu king Dios, at tutuburan nang sumaup karing sablang tanggap kaligtasan.

Judas 1:14

I Enoc, ing pangane king kapitung lahi manibat kang Adan, ya ing minie ula tungkul karela. Ngana, Lawan yu! Ing Ginu datang yang kayabe na ding libu-libung anghel a banal

Kapahayagan 19:11

Kaybat na nita, ikit keng mibuklat ing banua at ikit ke ing kabayung maputi. Ausan deng Tapat at Tutu ing makasake uling makatuliran ing pamanatul na at pamakilaban.

Kapahayagan 4:1

Kaybat na nita, aliwa ne mang bage ing ikit ku. Ikit ke karin banua ing metung a makabuklat a pasbul. At pasibayu keng dimdam ing siwala a kalupa na ning trumpeta. Ngana, Manik ka keni at ipakit ku la keka ding bage mapalyari king daratang a panaun.