Juan 1:49 - Ing Mayap a Balita Biblia

⁴⁹ Nganang Nathanael, Maestro, ika ing Anak ning Dios! Ika ing Ari ning Israel!

Juan 1:49 Iomraidhean Croise

Ding Dalit 110:1

Ngana ning Ginu king kakung ginu, Lukluk ka king banda kung wanan, angga king agawa ku lang dalpakan mung bitis ding kekang kalaban.

Ding Dalit 2:6

King Zion a bunduk kung banal, ing kakung ari karin ke likluk.

Isaias 9:7

Ing makamal nang upaya manatiling daragul; manatili ing kapayapan king keyang kayarian. Manibala ya bilang kayalili nang Aring David, at makabasi ing upaya na king mayap at matulid manibat ngeni at angga na king kapilan pa man. Iti ngan daptan ning Ginung Mayupaya.

Daniel 9:25

Pansinan mu at paka intindian iti: Manibat king oras ning panga-ibie ning utus para italakad yang pasibayu ing Jerusalem angga king paniatang ning pamuntuk a pinili na ning Dios, pitung besis a tiapitung banua ing lumabas. Pasibayu yang malarin ing Jerusalem at mika dalan at mangatibe dipensa, at talakad yang pitung besis a tianam apulu't aduang banua. Oneng maging panaun ne ning kaligaligan.

Hosea 3:5

Oneng datang ing panaun at pasibayu lang magbalik king Ginung karelang Dios at king metung a lahi nang David a karelang ari. Potang datang ne ing aldong ita, mika takut la king Ginu at tanggapan da ing kayapan na.

Mikeas 5:2

Nganang sasabi ning Ginu, Betlehem Efrata, metung ka karing malating diling balen na ning Juda, oneng keka ya lunto ing metung a manimuna para king Israel. Malyaring akit me ing pamilya na king metung a pamilyang atyu na kanita pang minumang panaun.

Zepania 3:15

Tiknang na na ning Ginu ing kekang parusa; leko na na la sablang kekang kalaban. Ing Ginu, ing Ari ning Israel, atyu keka; ala nang sangkan ngeni ban tumakut ka.

Zacarias 9:9

Magsaya kayu, memalen ning Zion! Kulisak kayu king tula, ikong tau Jerusalem! Lawan yu, daratang ya kekayu ing kekong ari! Daratang yang kayabe ing tagumpe, oneng mapagpakumbaba ya at metung yang asno ing sasaken na, metung yang biseru, anak ning gaindung asno.

Mateo 14:33

Simban de i Jesus ding alagad a makasake king bangka at ngara, Tutu pin, ika ing Anak ning Dios!

Mateo 2:2

at kukutang da: Nu ya karin ing bayung bait a Ari da ring Judio? Ikit mi yang sinlag ing batuin na king aslagan at dinatang kami keti ba mi yang samban.

Mateo 21:5

Sabian yu king siudad ning Zion: Lawan mu, daratang ya keka ing kekang ari. Mapagpakumbaba ya at makasake ya king metung a asno, at king metung a biseru, ing biseru ning asno.

Mateo 23:7

tutu rang buri ing pupugayan da la karing palengki at ausan da lang Maestro.

Mateo 23:8

Oneng ikayu e kayu payaus Maestro, uling mikakapatad kayu ngan at metung kayu mu Maestro.

Mateo 27:11

Inarap de kang Pilato i Jesus. Ika pin ing Ari da ring Judio? nganang kinutang ning Gobernador. Nganang mekibat Jesus, Ika mismu ing sasabi.

Mateo 27:42

Linigtas na la ding aliwang tau oneng e na aligtas ing sarili na! Ya kanu ing Ari ding Israelita! Nung kuldas ya ngeni king krus, maniwala kami keya!

Mateo 4:3

Dinatang ya ing mapanuksu at ngana kang Jesus, Nung ika ing Anak ning Dios iyutus mung maging tinape la ding batung deni.

Marcos 15:32

Paburen yeng kuldas ngeni king krus ing Cristo, ing Ari ning Israel! Nung akit mi yang kuldas, maniwala kami. Insultuan dia naman ding tulisan a makapakung mingatba keya.

Lucas 1:35

Pekibat na ning anghel, Datang ya keka ing Banal a Espiritu at lilungan na ka ning upaya na ning Dios. Uli na niti, mayaus yang Anak ning Dios ing banal a anak a mibait keka.

Lucas 19:38

Ngara, Bendisyunan ne sa ning Dios a daratang king lagyu na ning Ginu! Kapayapan karin banua at ligaya king Dios!

Juan 1:18

Ala pang menakit king Dios; oneng mipakilala ya ing Dios karing tau king kapamilatan na ning bugtung nang Anak; ing Anak a kayabe ning Ibpa king panga-Dios at kaluguran nang tutu.

Juan 1:34

Ikit ku iti at patutuan ku king ya ing Anak ning Dios.

Juan 1:38

Melikid ya i Jesus at kitnan na la inyang ikit nang tutukian de, Nanu ing panintunan yu? Mekibat la, Rabbi (ing buri nang sabian niting amanu, Maestro), nu karin ka manuknangan?

Juan 1:50

Mekibat ya i Jesus, Maniwala ka wari uli na mu ning sinabi ku kekang ikit da kang atyu lalam ning tanaman a higera? Maygit pa kanyan ing akit mu!

Juan 18:37

Nganang Pilato, Ing buri mung sabian, metung ka ping ari? Mekibat ya i Jesus, Ika ing sasabing ari ku. Iti ya ing sangkan nung inya mibait ku at dinatang keti king yatu ban munie patutu king katutuan. Makiramdam ya kanaku ing ninumang atyu king katutuan.

Juan 4:31

Samantala, ding alagad na namang Jesus pakisabian deng mayap. Ngara, Maestro, mangan na kayu.