Juan 1:47 - Ing Mayap a Balita Biblia

⁴⁷ Inyang ikit nang Jesus king lalapit ya keya i Nathanael, nganang migsalita tungkul kang Nathanael, Oyan ing tune Israelita! Keya ala kang akit a pamagkunwari!

Juan 1:47 Iomraidhean Croise

Ding Dalit 32:2

Mapalad ya ing taung king Ginu alang atrasu at alang kapamiraitnan king keyang pusu.

Ding Dalit 73:1

Tune yang maganaka ing Dios king taung matulid, karing sablang ating pusung malinis.

Juan 2:25

E na kailangan pa ing damdaman na king aliwa ing tungkul king ninumang tau uling ya mismu balu na ing atyu king pusu na ning tau.

Juan 4:16

Nganang Jesus king Samaritana, Puntalan me at ausan ing asawa mu, at kaybat mibalik ka keti.

Juan 8:31

Inya sinabi nang Jesus karing Judiong meniwala keya, Nung tuparan yu ing tuturu ku, tune kayu ping alagad ku

Juan 8:39

Pekibat da kang Jesus, I Abraham ya ing tatang mi. Nganang Jesus karela, Nung anak na kayung Abraham, depat yu sa ing dapat nang Abraham.

Roma 9:4

Ila ding taung pinili na ning Dios; inampun na la bilang sariling anak na at pepabalu na karela ing kaligayan na; tinatag na la ding kasunduan kayabe ra at binie ne karela ing Kautusan; atyu karela ing tune kapanyamban; tinggap da ing dakal nang pengaku ning Dios;

Roma 9:6

E ku sasabian king mebigu ing pangaku na ning Dios; uling e ding sablang memalen na ning Israel tau lang pinili na ning Dios

Filipos 3:3

Ganakan yu king aliwa ila, nune itamu ding tune mesirkunsisyun uling sasamban ta ya ing Dios agpang king Espiritu na, at miyayatdanan tamung tula king bie tamung makayabe kang Cristo Jesus. E tamu kailangan ing magtiwala king seremonia na ning pamaniugat king katawan.

1 Pedro 2:1

Lakuan yu, uli na niti, ing sablang e mayap, ing pamamirait, ing pamagkunwari, ing pamangalalu, at pamaninsultu.

1 Pedro 2:22

E ya dinapat nanumang pamikasala; alang metung mang kalaraman a meramdam karing labi na.

Kapahayagan 14:5

E la bitasang miglaram; ala kang apintas karela nanuman.