Juan 1:45 - Ing Mayap a Balita Biblia

⁴⁵ Penintun neng Felipe i Nathanael at ngana keya inyang ikit ne, Atagpuan mi ya itang mababanggit king libru na ning Kautusan a sinulat nang Moises at mababanggit munaman karing kasulatan da ring propeta: i Jesus ning Nazaret a anak nang Jose.

Juan 1:45 Iomraidhean Croise

Genesis 22:18

Mibendisyunan la karing lahi mu ding heganaganang bansa keti king yatu. Matupad iti uli na ning pemintuan mu ku.

Genesis 3:15

Mikasama kayu ning babai; milaban la ding anak na at ding anak mu. Lasawan de ring anak na ing buntuk mu, at tuktukan mu no man ding sakung da.

Genesis 49:10

E ya mako misan man ing setro kang Juda ni ing simbulu ning kayupayan na. Angga king datang ya itang talan king setro mu a sukat dang pamintuan ding tau.

Isaias 4:2

Ing panaun datang potang ing Ginu gawan na lang maragul at malabung ding sablang tanaman at dutung ning bansang Israel. Tumula la ding sablang taung mitagan at ipagmaragul da ing bubunga na ning gabun.

Isaias 53:2

Kaburian ning Ginu king ing talasuyu na tumubu yang anting tanaman a magyamut king malanging gabun. Ala yang dangalan o leguan ban kekatamu yang pansinan. Alang nanumang makawili king talasuyu na ban lapitan ta ya mo sana.

Isaias 7:14

Ing Ginu mismu munie yang metung a tanda para kekayu. Muktut ya ing metung a kayanakan a babai at manganak yang metung a lalaki at ing maging lagyu na Immanuel.

Isaias 9:6

Uling mibait ya ing anak para kekatamu! Ing metung a anak a lalaki miyabie ya kekatamu! At ya ing maging pamuntuk tamu! Mayaus yang Makapagmulalang Tagapayu, Mayupayang Dios, Alang anggang Ibpa, Prinsipi ning Kapayapan.

Mikeas 5:2

Nganang sasabi ning Ginu, Betlehem Efrata, metung ka karing malating diling balen na ning Juda, oneng keka ya lunto ing metung a manimuna para king Israel. Malyaring akit me ing pamilya na king metung a pamilyang atyu na kanita pang minumang panaun.

Zacarias 6:12

Sabian mu kang Josue king ing Ginung Mayupaya sasabian na, Ya iti ing lalaking mayayaus Ing Sanga; manianga ya nu ya man karin at italakad neng pasibayu ing Templo ning Ginu.

Zacarias 9:9

Magsaya kayu, memalen ning Zion! Kulisak kayu king tula, ikong tau Jerusalem! Lawan yu, daratang ya kekayu ing kekong ari! Daratang yang kayabe ing tagumpe, oneng mapagpakumbaba ya at metung yang asno ing sasaken na, metung yang biseru, anak ning gaindung asno.

Mateo 10:3

i Felipe at i Bartolome; i Tomas at i Mateo a talapanyingil buis; i Santiago a anak nang Alfeo at i Tadeo;

Mateo 13:55

E wari anak nia mu ning metung a kalpinteru? Aliwa wari i Maria i ima na, at ding kapatad na ila di Santiago, Jose, Simon, at Judas?

Mateo 2:23

Karin na la tiknang ding mi-ima, king metung a balen a mayayaus Nazaret. King anti kanitang paralan karin metupad ing amanung mesabi king kapamilatan da ring propeta. Meyaus yang Nazareno.

Mateo 21:11

Iti ya i Jesus, ing propetang ibat Nazaret, Galilea, ngarang mekibat ding keraklan.

Marcos 14:67

Panakit na ning babaing iti kang Pedro a magsalab king dapug, linawe neng maratna. Ika man, ngana kang Pedro, kayabe na kang Jesus ning Nazaret!

Marcos 6:3

E wari ya ing kalpinterung anak nang Maria, at kapatad da ri Santiago, Jose, Judas, at Simon? At ding kapatad nang babai e ta la wari kayabe-abe keti? At e la meniwala kang Jesus.

Lucas 18:37

Ngarang mekibat, Daralan ya i Jesus ning Nazaret.

Lucas 2:4

Manibat Nazaret, Galilea, minta ya i Jose king Betlehem, Judea, ing balen a beitan nang David, uling ibat ya i Jose king lahi nang David.

Lucas 2:48

Mipamulala la ding pengari na inyang ikit de at nganang ima na, Anak, obat depatan mu kekami iti? I tatang mu at aku migaganaka kami king pamanintun keka.

Lucas 24:27

At selese nang Jesus karela ing masasabi karing sablang kasulatan tungkul keya, manibat karing libru nang Moises at karing Kasulatan da ring sablang propeta.

Lucas 24:44

Kaybat ngana karela, Ing amanuan ku kanitang kayabe yu ku pa ya pin iti: kailangan ing matupad ing sablang misulat tungkul kanaku king Kautusan nang Moises, karing libru da ring propeta, at karing Dalit.

Lucas 3:23

Atin neng atlung pulung banua tua i Jesus inyang pegumpisan na ing obra na. King kaisipan da ring tau, i Jesus anak neng Jose a anak nang Heli,

Lucas 4:22

Ikua na la ngan kapanamdaman at pigmulalan da ing sintingan na ning sinabi na. Ngara, Aliwa wari iti ing anak nang Jose?

Juan 1:44

Tau ya Betsaida i Felipe, ing balen da ri Andres at Pedro.)

Juan 12:21

Linapit la deti kang Felipe a tau Betsaida, Galilea. Ngara, Malyari mi yang akit i Jesus?

Juan 14:8

Sinabi nang Felipe, Ginu, ipakit me kekami ing Ibpa at managyu na iti kekami.

Juan 18:5

Ngarang mekibat, I Jesus ning Nazaret. Sinabi na karela, Aku ya. Kayabe re i Judas, ing migtaksil kang Jesus.

Juan 18:7

Kitnan na lang pasibayu, Ninu ing panintunan yu? Ngarang mekibat, I Jesus ning Nazaret.

Juan 19:19

Sinulat neng Pilato ing metung a kapabaluan at pepabili ne king krus. Iti ya ing makasulat: I Jesus ning Nazaret, ing Ari da ring Judio.

Juan 21:2

Miyabe-abe la di Simon Pedro, Tomas (ing mayayaus Kambal), Nathanael a tau Cana, Galilea, ding anak nang Zebedeo, at ding adua pa karing alagad nang Jesus.

Juan 6:42

Sinabi ra, Aliwa iti i Jesus a anak nang Jose? Kakilala ta ya i tata na at ima na! Makananu nang asabing tinipa yang ibat banua?

Juan 6:5

Inyang lawan nang Jesus ing makapadurut, ikit na lang lalapit keya ding dakal a tau. Ngana kang Felipe, Nukarin tamu saling tinape ban apakanan ta la deting tau? (

Juan 6:7

Nganang mekibat Felipe, E la managyung panialing tinape ding aduang dalan a salaping pilak ban makapangan ya ing balang metung agyang ditak mu.

Ding Dapat 10:38

Balu yu itang tungkul kang Jesus ning Nazaret; nung makananu neng linanian ning Dios king Banal a Espiritu at king upaya. Uling ing Dios atyu keya minta ya karing sablang lugal darapat mayap at pakayap karing sablang inalipnan na ning diablo.

Ding Dapat 2:22

Pakiramdaman yu iting sasabian ku, memalen ning Israel! I Jesus ning Nazaret ya ing taung tinubud na ning Dios. At ing pangatuburan na king Dios mipakilalang masala kekayu king kapamilatan da ring milagru, ding makapagmulalang bage, at ding tanda a depat na ning Dios king kapamilatan na. Ikayu mismu balu yu iti uling keti mismu libutad yu karin mepalyari.

Ding Dapat 22:8

Ngakung kinutang, Ninu ika, Ginu? Nganang mekibat kanaku, Aku i Jesus ning Nazaret; aku ing kekang liligaligan.

Ding Dapat 26:9

Aku mismu kanitang misan inisip ku ing kailangan kung pigisanan ing agyu ku laban king lagyu nang Jesus ning Nazaret.

Ding Dapat 3:6

Oneng nganang migsalitang Pedro, Ala kung bitasang pera, oneng dinan da ka king atyu kanaku: king lagyu nang Jesu-Cristo ning Nazaret, lumakad ka!