Juan 1:41 - Ing Mayap a Balita Biblia

⁴¹ Kanita mu rin penintun neng Andres i Simon a kapatad na. Inyang ikit ne, sinabi na kang Simon, Atagpuan mi ya ing Mesiya (ngana wari, ing Cristo).

Juan 1:41 Iomraidhean Croise

2 Ari 7:9

Ngara king metung at metung, E ustu ing gagawan tamu. Iti aldo ne ning mayap a balita, oneng sasarilinan ta ya. Nung manaya ta pang angga bukas, siguradu tamung miparusan. Tara, ipabalu tamu karing tauan ning ari.

Ding Dalit 2:2

Ari keting yatu abe-abe la, at e mayap ing buri da; karelang mamuntukan mipupulung la; ing Ginu ya'ng buri dang labanan at ing aring pinili na.

Ding Dalit 45:7

Kaluguran mu ing katuliran, at kekang kasaman ing e mayap. Iti ing sangkan nung inya ing Dios a kekang Dios, pinili na ka at dininan dakal a tula kesa karing aring aliwa.

Ding Dalit 89:20

Gewa keng ari i David a kakung talasuyu, at tigtugan king banal a laru.

Isaias 11:2

King uli ning espiritu ning Ginu tanggap yang kabiasnan, beluan, at gelingan para king pamanimuna king balen na. Balu na ing kaburian ning Ginu, at galangan ne;

Isaias 61:1

Kitmuan na ku ning Ginung Dios king espiritu na. Pinili na ku at tinubud ban karing kalulu mayap a balita iyatad ku, ban uluan lang pusung sugatan, ban ihayag karing bihag ing pangaligtas da at ing kalayaan karing atyu king sukulan.

Mateo 1:23

Kumagli ya ing metung a dalagang birhen at ibait ne ing metung a anak a lalaki, at mayaus yang Immanuel (ngana wari, Ing Dios kayabe ta ya).

Lucas 2:17

Panakit da ring pastul king bingut belita da karela ing sinabi na ning anghel tungkul keya.

Lucas 2:38

Ketang oras munamang ita, dinatang ya at pepasalamat king Dios. Migsalita ya tungkul king anak para karetang manaya king pamagligtas na ning Dios king Jerusalem.

Juan 1:45

Penintun neng Felipe i Nathanael at ngana keya inyang ikit ne, Atagpuan mi ya itang mababanggit king libru na ning Kautusan a sinulat nang Moises at mababanggit munaman karing kasulatan da ring propeta: i Jesus ning Nazaret a anak nang Jose.

Juan 4:25

Ngana ning babai, Balu ku king ing Mesiya, ing ausan dang Cristo, datang ya. Paniatang na, ipabalu na kekatamu ing sablang bage.

Ding Dapat 10:38

Balu yu itang tungkul kang Jesus ning Nazaret; nung makananu neng linanian ning Dios king Banal a Espiritu at king upaya. Uling ing Dios atyu keya minta ya karing sablang lugal darapat mayap at pakayap karing sablang inalipnan na ning diablo.

Ding Dapat 4:27

At iti pin ing mapapalyari: keni mismu Jerusalem, i Herodes ampon i Pilato mekipulung la karing paganu at karing memalen na ning Israel laban kang Jesus, ing banal mung Talasuyu at kekang Pinili.

1 Juan 1:3

Babalita mi kekayu ing ikit mi at dimdam ban akayabe da kayu king pamakiabe king Ibpa at kang Jesu-Cristo a Anak na.