Juan 1:38 - Ing Mayap a Balita Biblia

³⁸ Melikid ya i Jesus at kitnan na la inyang ikit nang tutukian de, Nanu ing panintunan yu? Mekibat la, Rabbi (ing buri nang sabian niting amanu, Maestro), nu karin ka manuknangan?

Juan 1:38 Iomraidhean Croise

1 Ari 10:8

Kasuerti da ring kekang asawa! Kasuerti da ring kekang ipus uling parati lang atyu king kekang arapan at makaramdam la king kekang kabiasnan!

Ding Dalit 27:4

Metung mung bage ing aduan ku king Ginu, at metung mu ing kakung pagnasan; king Templo na sa karin ku manuknangan king kapilan pa man ban kakung tangalan ing keyang kayapan, at turu na tanggapan.

Ding Kasebian 13:20

Mabiasa ka nung makiabe ka karing biasa, oneng ing pamakiabe karing mangmang mamungang kaguluan.

Ding Kasebian 3:18

Mengari yang tanaman a mamunga karetang manintun kabiasnan.

Ding Kasebian 8:34

Tumula ya ing taung kaku makiramdam, itang aldo-aldo manaya karing kakung pasbul dalan; itang manatiling king pasbul mibuklatanan.

Ding Tagulele 5:19

Oneng ika, O Ginu, ari ka kapilan man, at manimuna ka angga king kawakasan.

Lucas 10:39

Atin yang kapatad a milagyuan Maria. Linukluk ya iti king arap na ning Ginu at mekiramdam ya king tuturu na.

Lucas 14:25

Milalu la karakal ding taung tutuki kang Jesus; inarapan na la at ngana,

Lucas 15:20

Inya tinalakad ya at migbalik kang tatang na. Marayu ya pa ikit na neng tata na at tutu yang melunus; inya memulayi yang sinalubung keya; kinaul ne at penuma.

Lucas 19:5

Pangaras nang Jesus king lugal a ita, tinalanga ya at sinabi na, Zaqueo, kuldas kang malagua uling kailangan kung salangi ngeni king bale mu.

Lucas 22:61

Melikid ya ing Ginu at linawe ne i Pedro. At aganaka nang Pedro ing sinabi na ning Ginu, Bayu ya tulauk ing tatyo king aldo iti alingad mu na kung makatatlu.

Lucas 8:38

Nganang mekisabing mayap kang Jesus ning lalaking pilualan da ring demonyu, Paintulutan yu ku pung tuki kekayu. Oneng nganang Jesus,

Juan 1:37

Dimdam da ring aduang alagad ing sinabi nang Juan at tinuki la kang Jesus.

Juan 1:39

Nganang mekibat Jesus karela, Tara, lawan yu. Tinuki la kang Jesus at ikit de ing tuknangan na; menatili lang kayabe na king aldong ita. (Mag-a-alas kuatro na ning gatpanapun kanita).

Juan 1:49

Nganang Nathanael, Maestro, ika ing Anak ning Dios! Ika ing Ari ning Israel!

Juan 12:21

Linapit la deti kang Felipe a tau Betsaida, Galilea. Ngara, Malyari mi yang akit i Jesus?

Juan 18:4

Balu nang Jesus ing sablang mapalyari, inya selubungan na la at kitnan, Ninu ing panintunan yu?

Juan 18:7

Kitnan na lang pasibayu, Ninu ing panintunan yu? Ngarang mekibat, I Jesus ning Nazaret.

Juan 3:2

Misan a bengi, iting lalaki minta ya kang Jesus. Ngana kang Jesus, Maestro, balu mi king metung kang talaturu a menibat king Dios, uling alang makagawa karing milagrung daraptan mu subali mu nung mamantabe ya keya ing Dios.

Juan 3:26

Inya pintalan de i Juan at sinabi ra, Maestro, itang lalaking akayabe yu kangatba ning Jordan a kekang sasabian karing tau, maminyag ya naman at pupuntalan de ring sablang tau!

Juan 4:31

Samantala, ding alagad na namang Jesus pakisabian deng mayap. Ngara, Maestro, mangan na kayu.

Juan 6:25

Inyang ikit da ne i Jesus king kangatba na ning dagat, kitnan de. Ngara, Maestro, kapilan ka pa dinatang keti?

Ding Dapat 10:21

Inya tinipa ya i Pedro at ngana karing atlung tau, Aku ing panintunan yu. Nanu ing saria yu?

Ding Dapat 10:29

Inya kabud peparakit yu ku dinatang kung alang pamikakunu. Ngeni sabian yu kanaku, obat peparakit yu ku?

Ruth 1:16

Oneng nganang Ruth, Ima, e mu ku sana pipilitan lakuan da ka. Paburen mung tukian da ka. Nung nukarin ka munta karin ku munta, at nung nukarin ka manuknangan karin ku manuknangan. Ding kabalen mu ilang maging kabalen ku, at ing Dios mu ya ing maging Dios ku.