Juan 1:31 - Ing Mayap a Balita Biblia

³¹ E ku balu kanita nung ninu ya, agyamang dinatang kung maminyag king kapamilatan ning danum ban mipakilala ya king Israel.

Juan 1:31 Iomraidhean Croise

Malakias 3:1

Nganang mekibat ning Ginung Mayupaya, Iparala ke ing kanakung tubud ban isadia ne ing dalan para kanaku. At bigla yang datang king Templo na ing Ginung kekayung panintunan. Datang ya ing tubud a buri yung akit at sabian ne ing kakung kasunduan.

Mateo 3:13

Kanita dinatang ya i Jesus king Ilug ning Jordan; menibatan ya Galilea. Dinatang ya ban pabinyag kang Juan.

Mateo 3:6

Sinabi da la ring kasalanan da at bininyag na lang Juan king Ilug ning Jordan.

Lucas 1:17

Datang yang mumuna king Ginu, masikan at mayupayang antimo i propeta Elias ba na lang pikasunduan pasibayu ding tata at ding anak; ban tuntun la ding makasalanan king dalan da ring matulid, at ban isadia ne para king Ginu ing balen a pinili na.

Juan 1:30

Ya ing amanuan ku inyang sinabi ku, Ing daratang kaybat ku maygit ya kanaku, uling atyu ne bayu ku pa mibait.

Juan 1:32

Iti ya ing patutu nang Juan, Ikit ke ing Espiritu a kukuldas anting patipati a ibat banua at menatili ya keya.

Juan 1:33

E ku balu kanita nung ninu ya; oneng ing mitubud kanaku ban maminyag king kapamilatan na ning danum ya ing sinabi kanaku, Ing akit mung kuldasan na at panatilian ning Espiritu, ya ing maminyag king kapamilatan ning Banal a Espiritu.

Juan 1:7

Dinatang ya ban munie patutu tungkul king sala ban king kapamilatan na ning pamipatutu na maniwala la ding sabla.

Ding Dapat 19:4

Nganang Pablo, Ing binyag nang Juan para kareta yang peinggulut karing karelang kasalanan; at sinabi na karing memalen ning Israel king sukat lang maniwala ketang daratang a katuki na, ing buri nang sabian, i Jesus.