Juan 1:3 - Ing Mayap a Balita Biblia

³ at king kapamilatan na ning Amanu lelang na ning Dios ing sablang bage; alang nanumang mepalyari king melalang nune mu king kapamilatan na.

Juan 1:3 Iomraidhean Croise

Genesis 1:1

King pasimula, lelangan ne ning Dios ing banua at ing yatu.

Genesis 1:26

Kanita ngana ning Dios, Lalangan ta ya ing tau king wangis tamu. Ila ding manibala karing asan na ning dagat, karing ayup, karing baka, karing heganaganang animal, at karing heganaganang melalang a gagapang king yatu.

Ding Dalit 102:25

King panaun a malambat nang milabas, ing yatu keka yang telakad, at ing banua lelangan de ring kekang gamat.

Ding Dalit 33:6

King amanu na banua melalang ya, aldo, bulan, batuin, at aliwa pa.

Ding Kasebian 8:30

Atyu ku siping na anting maestro de obra, aldo-aldo aku ing tula na; king arapan na parating masaya;

Isaias 45:12

Aku itang ginawa king yatu, at linalang karing tau ban karin manuknangan. King kakung upaya lidlad ku la ding banua; ing aldo, bulan, at ding batuin atyu la ngan lalam kung upaya.

Isaias 45:18

Lelangan na la ning Ginu ding banua; ya kabud ing Dios! Ya ing miyubug at linalang king yatu; gewa neng matatag at manatili. E ne lelangan alang kabaldugan, nune lugal ya para panuknanganan da ring tau. Ya ing sasabi, Aku ing Ginu at ala nang aliwa pa subali kaku.

Juan 1:10

Atyu ne ing Amanu king yatu, oneng e ne akilala ning yatu agyamang lelangan ne ning Dios ing yatu king kapamilatan na ning Amanu.

Juan 1:2

Ibat na king kamumulan kayabe na ne ning Dios ing Amanu,

1 Corinto 8:6

makanyan man para kekatamu atin mung metung a Dios, ing Ibpa a linalang king sablang bage. Mabibie tamu para keya at atin tamung metung a Ginu, i Jesu-Cristo. King kapamilatan na, ding sablang bage melalang la at king uli na mabibie tamu.

Efeso 3:9

at ipalino ing sablang bage nung makananu nang daptan ning Dios ing lihim nang kapagnasan. Maluat na na mu ring lilihim iti ning Dios a miglalang king sablang bage

Hebreo 11:3

King kapamilatan na ning kasalpantayanan karin tamu aintindian king ing meto sikluban melalang ya king amanu na ning Dios, at king ing kekatamung akakit megumpisa ngan king e tamu akakit.

1 Juan 5:1

Anak ne ning Dios ing ninumang maniwala king i Jesus ya ing Cristo, at ing ninumang lulugud king tata lulugud ya naman king anak na.

Kapahayagan 3:14

Isulat mu iti king anghel na ning iglesia karin Laodicea: Iti ya ing sasabian na nitang maki lagyung Amen, ing tapat at tune testigu, ing penibatan na ning sablang lelang ning Dios.

Kapahayagan 4:11

Kekaming Ginu at Dios! Karapatdapat kang tanggap kapurian, dangal at upaya. Uling ika ing linalang karing sablang bage at lelangan mu la, at dininan bie ketang kekang kaburian.