Juan 1:22 - Ing Mayap a Balita Biblia

²² Ngara pa, Ninu wari ika? Sabian mu ban atin keng apakibat karetang mitubud kekami. Nanu ing asabi mu tungkul king kekang sarili?

Juan 1:22 Iomraidhean Croise

2 Samuel 24:13

Pintalan neng Gad i David at sinabi na itang pasabi na ning Ginu. Nganang mengutang, Danup king bansa kilub ding atlung banua o atlung bulan kang salasalikut karing kekang kalaban o atlung aldo salut king bansa mu? Pakaisipan yu iting bage nung isanu ing ibie kung pakibat king Ginung mitubud kanaku.

Juan 1:21

Kitnan deng pasibayu, Nung makanyan, ninu ika? Ika i Elias? Pekibat nang Juan, Aliwa aku. Kitnan da ne naman, Ika ing Propetang panenayan me? Aliwa, nganang mekibat Juan.

Juan 1:23

Mekibat ya i Juan, Aku ing siwala nitang kukulait king disyerto: Itulid ye ing dalan a dalanan ning Ginu! (Iti ya ing sinabi ning propeta Isaias.)