Juan 1:18 - Ing Mayap a Balita Biblia

¹⁸ Ala pang menakit king Dios; oneng mipakilala ya ing Dios karing tau king kapamilatan na ning bugtung nang Anak; ing Anak a kayabe ning Ibpa king panga-Dios at kaluguran nang tutu.

Juan 1:18 Iomraidhean Croise

Genesis 16:13

Oyni ing lagyung binie nang Agar king Ginu a magsalita: Ing Dios a Manakit! Nganang Agar king sarili na, Tutu ke kayang ikit ing Dios samantalang e na ku man ninanu balang?

Genesis 18:33

Meko ya ing Ginu kaybat nang meyaring mekipagsalita kang Abraham, at minuli ne man i Abraham.

Exodo 23:21

Pakiramdaman ye at tuparan ing sablang sabian na kekayu. E ye lalabanan uling aku ing mitubud keting anghel, at e na ipanupaya ing nanumang kapaglabanan.

Exodo 24:10

Ikit de karin ing Dios ning Israel. Anti ya ing suelong megawa king safiro a kasing asul na ning banua ing tutukluan na.

Ding Kasebian 8:30

Atyu ku siping na anting maestro de obra, aldo-aldo aku ing tula na; king arapan na parating masaya;

Isaias 40:11

Anti ing pastul ingatan neng kawan na; ding malating tupa tipunan na la, karing takde na kilikan na la; ding gaindu ra tairan na la king mitmung kaingatan.

Ding Tagulele 2:12

Danupan la at mau; ausan do ring karelang ima. Misakab la karing dalan; anti la waring sugatan at karing imang kandungan tunggal ditak daratang ing karelang kamatayan.

Ding Bilang 12:8

Makipagsalita ku kang Moises arap-arapan, tapatan, at e king malabug a pamakipagsalita. Ikit na ing itsura ku. Inya ala kayung matulid magsalitang laban king talasuyu kung i Moises.

Mateo 11:27

Ing sabla binie na kanaku ning Ibpa ku at alang makakilala king Anak nune mu ing Ibpa, at alang makakilala king Ibpa nune mu ing Anak at detang birian nang makakilala keya ning Anak.

Lucas 10:22

Binie nang Ibpa ku kanaku ing sablang bage. Ala metung mang makibalu nung ninu ing Anak subali mu ing Ibpa, at ala metung mang makibalu king Ibpa subali mu ing Anak at detang buri nang pabaluan ning Anak.

Juan 1:14

Meging tau ya ing Amanu at mekipanuknangan ya kekatamu. Ikit mi ing kamalan na a mitmung lugud at katutuan, ing kamalan a mangaintulid mung bukud king bugtung nang Anak ning Ibpa.

Juan 12:41

Sinabi nang Isaias iti uling ikit na ing ligaya nang Jesus at migsalita ya tungkul keya.

Juan 13:23

Makahilig yang malapit kang Jesus ing pakamalan nang dili karing alagad na.

Juan 14:9

Mekibat ya i Jesus, Felipe, kalambat yu na kung kayabe e mu ku pa balu? Ing menakit kanaku, ikit na ne ing Ibpa. Baket sinabi mung Ipakit me kekami ing Ibpa?

Juan 17:26

Pepakilala da ka karela at ipakilala da ka pa ban ing lugud mu kanaku miyabie karela, at aku manatili ku karela.

Juan 17:6

Pepakilala da ka karing taung binie mu kanaku ibat king yatung iti. Keka la, binie mu la kanaku, at tiparan da ing amanu mu.

Juan 3:11

Ing katutuan sasabian ku keka: sasabian mi itang balu mi at patutuan mi itang ikit mi. Makanyan man e yu tatanggapan ing pamipatutu mi.

Juan 6:46

Iti e mangabaldugan king atin nang menakit king Ibpa; ita mung ibat king Dios ya ing bukud menakit na king Ibpa.

2 Corinto 4:4

E la maniwala uling ding pamisip da binulag na la ning dios na niting yatu. Binulag na la ban e ra akit ing aslag na ning Mayap a Balita tungkul king ligaya nang Cristo a larawan na ning Dios.

Deuteronomio 4:12

Kanita migsalita ya kekayu ing Ginu libutad na ning api; dimdam yu la ding amanu na, oneng e ye ikit king isanu mang anyu. Ing siwala namu ya ing dimdam yu.

Colosas 1:15

I Cristo ya ing larawan na ning Dios a e mayayakit at ya ing pangane na ning meto lelangan.

1 Timoteo 1:17

King metung mung Dios, Aring alang angga, alang kamatayan at e mayayakit miyabie ing kapurian at ligaya king kapilan pa man! Amen.

1 Timoteo 6:16

Ya mung bukud ing alang kamatayan at manuknangan king aslag a e alapitan. Ala pang menakit king Dios o malyaring manakit king Dios. King Dios ing dangalan at ing kayupayan a alang angga! Amen.

Josue 5:13

Inyang malapit nia Jerico i Josue, bigla neng ikit ing metung a lalaking makatalakad king arap na; atin yang tatalnan a espada. Lepitan neng Josue at nganang kinutang, Kakampi ka kekami o kakampi da ka ding kalaban mi?

1 Juan 4:12

Ala pang bitasang menakit king Dios; nung mikakalugud tamu, atyu kekatamu ing Dios at ing lugud na maging ganap kekatamu.

1 Juan 4:20

Ing sasabing Kaluguran ke ing Dios, oneng kasaman na ne man ing kapatad na, iti malaram ya. Makananu neng aluguran ing Dios a e na akakit, nung ing kapatad na a akakit na e ne aluguran?

1 Juan 4:9

Pepakit na ning Dios ing lugud na kekatamu inyang tinubud ne ing bugtung nang Anak ban mika bie tamu king kapamilatan na.

1 Juan 5:20

At balu tamu king dinatang ya keti king yatu ing Anak ning Dios at dininan na katamung pamanalastas ban akilala ta ya ing Dios a tutu, at king itamu atyu tamu king Dios a tutukayabe nang Jesu-Cristo a Anak na. Ya ing Dios a tutu at ya ing bie alang angga.