Juan 1:17 - Ing Mayap a Balita Biblia

¹⁷ Binie ne ning Dios ing Kautusan king kapamilatan nang Moises, oneng ing lugud na at katutuan miras karing tau king kapamilatan nang Jesu-Cristo.

Juan 1:17 Iomraidhean Croise

Genesis 22:18

Mibendisyunan la karing lahi mu ding heganaganang bansa keti king yatu. Matupad iti uli na ning pemintuan mu ku.

Genesis 3:15

Mikasama kayu ning babai; milaban la ding anak na at ding anak mu. Lasawan de ring anak na ing buntuk mu, at tuktukan mu no man ding sakung da.

Ding Dalit 85:10

Misagana ing alang kupas a lugud at katapatan; mikaul naman ing katuliran at kapayapan.

Ding Dalit 98:3

Ing pengaku na king balen ning Israel e na kelinguan; karela mitmu yang lugud at katapatan. Ing tagumpe ning Dios ikit ding sablang tau ning yatu.

Mikeas 7:20

Ipakit mu ing katapatan mu at ing ala mung kupas a lugud karing kekang memalen, ding lahi nang Abraham at Jacob, antimo ing pengaku mu kanitang minunang panaun karing makatua mi.

Juan 1:14

Meging tau ya ing Amanu at mekipanuknangan ya kekatamu. Ikit mi ing kamalan na a mitmung lugud at katutuan, ing kamalan a mangaintulid mung bukud king bugtung nang Anak ning Ibpa.

Juan 14:6

Pekibat nang Jesus, Aku ing dalan, ing katutuan, at ing bie. Alang malyaring miras king Ibpa nung e mu king kapamilatan ku.

Juan 18:37

Nganang Pilato, Ing buri mung sabian, metung ka ping ari? Mekibat ya i Jesus, Ika ing sasabing ari ku. Iti ya ing sangkan nung inya mibait ku at dinatang keti king yatu ban munie patutu king katutuan. Makiramdam ya kanaku ing ninumang atyu king katutuan.

Juan 5:45

E yu isipan king aku ing mandalum kekayu king Ibpa. I Moises a panaligan yu ya ing mandalum kekayu.

Juan 7:19

Aliwa wari i Moises ing minie kekayu king Kautusan? Makanyan man ala metung man kekayu ing tutupad king Kautusan. Obat buri yu kung paten?

Juan 8:32

at abalu yu ing katutuan at gawan na kayung malaya ning katutuan.

Juan 9:29

Balu mi king migsalita ya ing Dios kang Moises, oneng tungkul king taung iti, e mi man balu nung nu ya ibat!

Ding Dapat 28:23

Inya mitakda lang metung a aldo kang Pablo; lalu lang dakal karela ding memaniatang kanitang aldong ita ketang tuknangan nang Pablo. Manibat king abak angga itang bengi pepamalino na at pepayabut karela ing amanu tungkul king Kayarian ning Dios. Pigkapilitan na lang abaldug a lub tungkul kang Jesus king kapamilatan na ning pamagsitas na king Kautusan nang Moises at karing kasulatan da ring propeta.

Ding Dapat 7:38

Ya naman itang minantabe karing Israelita a mitipun king disyerto; atyu karin kayabe da ring kekatamung makatua, at itang anghel a migsalita keya keta king Bunduk ning Sinai; tinggap na ing mabie nang amanu ning Dios ban ipayabut na angga kekatamu.

Roma 6:14

E na kayu pailalam pasibayu king upaya na ning kasalanan, uling ala na kayu ngeni king lalam nang upaya ning Kautusan nune atyu kayu lalam nang upaya ning grasya ning Dios.

2 Corinto 1:20

Uling ya ing katuparan na ning sablang pengaku na ning Dios. Uli na, makapakibat tamung Amen king ikaligaya na ning Dios.

Galacia 3:17

Anti keni ing buri kung sabian. Ginawa yang metung a kasunduan ing Dios at pengaku na ing tuparan ne. Ing Kautusan a miyabie kalabas da ring apat a ralan at atlung pulung banua kaybat nang milyari nita, e ne malyaring siran ing kasunduan at payalan ulaga ing pangaku na ning Dios.

Deuteronomio 33:4

Ding Kautusan a miyabie king kapamilatan nang Moises, kekami lang pemintuan; ila ding peka mal nang pibandian ning bansang Israel.

Deuteronomio 4:44

Iti ya ing kautusan a binie nang Moises karing memalen ning Israel,

Deuteronomio 5:1

Inaus na la ngan at tinipun Moises ding sablang memalen ning Israel at ngana karela, Memalen ning Israel, pakiramdaman yu la ding kautusan at tuntunan a sabian ku ngeni kekayu. Paki-intindian yu la at tuparan.

Hebreo 9:22

Agpang king Kautusan, halus ing sablang bage malilinis king kapamilatan na ning daya at mipatawaran la ding kasalanan bukud mung king kapamilatan na ning pamitulu ning daya.