Juan 1:15 - Ing Mayap a Balita Biblia

¹⁵ Minie yang patutu i Juan tungkul keya. Ngana, Ya ing amanuan ku kanitang sinabi ku kekayu, Datang ya kaybat ku, oneng maygit ya kanaku, uling atyu ne bayu ku pa mibait.

Juan 1:15 Iomraidhean Croise

Ding Kasebian 8:22

Karing sablang lelang ning Ginu aku ing minuna, king sablang depat na kanitang milabas a panaun aku ing mumuna.

Isaias 9:6

Uling mibait ya ing anak para kekatamu! Ing metung a anak a lalaki miyabie ya kekatamu! At ya ing maging pamuntuk tamu! Mayaus yang Makapagmulalang Tagapayu, Mayupayang Dios, Alang anggang Ibpa, Prinsipi ning Kapayapan.

Mikeas 5:2

Nganang sasabi ning Ginu, Betlehem Efrata, metung ka karing malating diling balen na ning Juda, oneng keka ya lunto ing metung a manimuna para king Israel. Malyaring akit me ing pamilya na king metung a pamilyang atyu na kanita pang minumang panaun.

Mateo 3:11

Bibinyagan da kayu king danum ban mipakilala king sisisian yu la at painggulutan ding kasalanan yu; oneng ing daratang katuki ku lalu yang mayupaya kesa kanaku. E ku man karapatdapat mamitbit karing sandalyas na. Binyagan na kayu king Banal a Espiritu at king api.

Marcos 1:7

Nganang menaral Juan, Lalu yang mayupaya kesa kanaku ing daratang a katuki ku; e ku man karapatdapat agyang kalag mu karing tali nang sandalyas.

Lucas 3:16

Inya nganang Juan karela ngan, Bibinyagan da kayu king danum, oneng ing metung a maygit kesa kanaku datang ya. E ku man karapatdapat agyang kalag mu karing tali nang sandalyas. Binyagan na kayu king Banal a Espiritu ampon king api.

Juan 1:27

Ya ing daratang kaybat ku at e ku karapatdapat agyang kalag mu karing tali da ring sandalyas na.

Juan 17:5

At ngeni, Ibpa, paligayan mu ku king keka mu ring kaligayan a sadiang atyu kanaku king pangayabe ku keka bayu ya melalang ing yatu.

Juan 8:58

Mekibat ya i Jesus, Ing katutuan sasabian ku kekayu: atyu na ku bayu ya mibait i Abraham.

Colosas 1:17

Atyu ne bayu melalang ing nanu pa man at miyabe ing sablang bage king kapamilatan na.

Hebreo 13:8

I Jesu-Cristo ya naman ing napun, ing kasalukuyan, at king kapilan pa man.

Kapahayagan 1:11

Ngana, Isulat mu king libru ing akakit mu at iparala me karing pitung iglesia: king Efeso, Esmirna, Pergamo, Tiatira, Sardis, Filadelfia, at king Laodicea.

Kapahayagan 2:8

Isulat mu iti king anghel na ning iglesia karin Esmirna: Iti ya ing pasabi na nitang mumuna at katataulian, ing mete at mebie pasibayu.