Juan 1:13 - Ing Mayap a Balita Biblia

¹³ Meging anak na la ning Dios e king kapamilatan na ning daya o ning pamitan ning laman o ning dapat ning tau; ing Dios mismu ya ing Ibpa ra.

Juan 1:13 Iomraidhean Croise

Genesis 25:22

Oneng mitutulakan la ding anak king atian na angga king asabi na, Nung makanyan ing malilyari mayap pang mate na ku! Minaus ya king Ginu ba nang abalu nung nanu mo ing sabian na.

Genesis 25:28

Paborito neng Isaac i Esau uling maburi ya karing ararakap na niti king pamangasu na. I Jacob naman ya ing paborito nang Rebeca.

Genesis 27:33

Ginalgal yang e mu nanu i Isaac at ngana, Nung makanyan ninu itang mengasu at migdala kanaku king arakap na at pengan ku? Kayari-yari ku pa mung mengan inyang lungub ka. Ngeni manatili king binendisyunan ku ing kanakung bendisyun king kapilan pa man.

Genesis 27:4

Potang atin kang arakap, paglutu mu ku ketang maniaman a pamangan a buri ku at idala mu kanaku. Kaybat kung mengan ibie ke keka ing kanakung bendisyun bayu ku mu man mate!

Ding Dalit 110:3

King aldo a arapan mu lang kekang kalaban, ding memalen magkusa lang ika ing karelang saupan; ibat king sagradung bunduk ding kayanakan datang lang anting ambun ning abak ban keka makiabe.

Mateo 3:9

E yu pangangas sasabian king lahi na kayung Abraham. Sasabian ku kekayu, agyang karing batung deni ing Dios makapalto yang tune nang lahing Abraham.

Juan 3:3

Mekibat ya i Jesus, Ing katutuan sasabian ku keka: subali mu nung mibait yang pasibayu ing tau e ne akit ing Kayarian ning Dios.

1 Corinto 3:6

Aku ing tinanam king bini, i Apolos ya ing menugtug, oneng ing Dios ya ing pepatubu king tanaman.

Filipos 2:13

uling e tutuknang darapat ing Dios kekayu ba yung burian at atuparan ing malugud nang parasan.

Tito 3:5

linigtas na katamu, e uli na ning nanumang dapat a mayap a gewa tamu mismu, nune uli na ning sarili nang lunus. Linigtas na katamu king kapamilatan na ning danum a paglinis nung nu na katamu dirinan bayung pangabait at bayung bie a ibat king Banal a Espiritu.

Santiago 1:18

King sarili nang kaburian beit na katamu king kapamilatan na ning amanu ning katutuan ban itamu ding maging mumunang diling bunga na ning sablang lelangan na.

1 Pedro 1:23

Uling king kapamilatan na ning mabie at alang anggang amanu ning Dios mibait kayung pasibayu bilang anak na ning pengaring alang kamatayan, at e ning pengaring ating kamatayan.

1 Pedro 1:3

Purian ta ya ing Dios at Ibpa na ning Ginu tamung Jesu-Cristo! Uli na ning maragul nang lunus, dininan na katamung bayung bie king kapamilatan na ning pamanyubli nang mebie Jesu-Cristo. Iti ya ing mangatmung mabie kapanayan kekatamu,

1 Pedro 2:2

Mangari kayu sa karing bingut a parating magnasa king purung gatas a espiritual ban king pamaninum yu king anti kaniting gatas dagul kayu at miligtas.

1 Juan 3:9

Ing ninumang anak ning Dios, e na susundu ing pamaniapat kasalanan, uling atin neng bayung bie ibat king Dios. At anti na ning ing Dios ya ing Ibpa na, e na na malyaring isundu ing pamaniapat kasalanan.

1 Juan 4:7

Pakamalan kung kakaluguran, mikakalugud tamu uling manibat king Dios ing lugud. Ing ninumang lulugud anak ne ning Dios at kikilala ya king Dios.

1 Juan 5:1

Anak ne ning Dios ing ninumang maniwala king i Jesus ya ing Cristo, at ing ninumang lulugud king tata lulugud ya naman king anak na.

1 Juan 5:18

Balu tamu king ing metung a anak na ning Dios e ya mikakasala, uling ingatan ne ning Anak ning Dios at e ne ananu balang ning Marawak.

1 Juan 5:4

uling ing balang anak na ning Dios magtagumpe ya laban king yatu, at ing kekatamung kasalpantayanan ya ing makapanagumpe laban king yatu.