Juan 1:11 - Ing Mayap a Balita Biblia

¹¹ Dinatang ya king sarili nang balen, oneng e re tinggap ding kabalen na.

Juan 1:11 Iomraidhean Croise

Mateo 15:24

Kanita nganang mekibat Jesus, Mituburan ku bukud mung karing tupa nang melili ning balen Israel.

Lucas 19:14

Tutu ra ne mang kesaman ding memalen na, inya kalako na mitubud lang pekakatawan da ban sabian da, E mi ya buring maging ari ing taung iti.

Juan 1:10

Atyu ne ing Amanu king yatu, oneng e ne akilala ning yatu agyamang lelangan ne ning Dios ing yatu king kapamilatan na ning Amanu.

Juan 1:12

Makanyan man karetang tinanggap at meniwala keya binie na ing karapatan a maging anak na la ning Dios.

Juan 19:27

At ngana king alagad, Oyan i ima mo. At manibat na kanita inampun na ne ning alagad king pibalebale na.

Juan 3:32

Patutuan na ing ikit na at dimdam, makanyan man alang tatanggap king pamipatutu na.

Ding Dapat 13:26

Kapatad ku, lahi nang Abraham, at ikayung sablang paganu keti a ating takut king Dios: kekatamu miparala iting balita na ning kaligtasan!

Ding Dapat 13:46

Oneng lalu lang mesikan a lub migsalita di Pablo at Bernabe. Ngara, Kailangan ing mumuna ming ipanaral kekayu ing amanu na ning Dios. Oneng anti ning tinggian yu at e yu bibilang mangaintulid king bie alang angga ing kekayung sarili, inya akit yu, lakuan da kayu at karing paganu ke munta.

Ding Dapat 21:6

Kaybat ming mipapamun sinake na kami king barku at ila naman minuli na la bale ra.

Roma 15:8

Sasabian ku kekayu, meging talasuyu ya i Cristo karing memalen Judio, e mu para apakilala na king ing Dios biasa yang tupad mitmung katapatan king pengaku na karing makatua da,

Roma 9:1

Sasabian ku ing katutuan; talatuki na kung Cristo at e ku maglaram. Ing sarili kung konsiensia a pamahalan na ning Banal a Espiritu, patutuan na king e ku maglaram.

Roma 9:5

ila ding meging lahi ding pikabaluan a Hebreong penibatan da, at ing Cristo, king pangatau na, ibat ya king karelang lahi. Mipuri yang alang kapupusan ing Dios a mag-ari king sabla-sabla! Amen.

Galacia 4:4

Oneng inyang miras na ing mituldung panaun, tinubud ne ning Dios ing Anak na. Mibait ya king metung a babai, at mibiebie ya lalam nang upaya ning Kautusan da ring Judio,