Juan 1:10 - Ing Mayap a Balita Biblia

¹⁰ Atyu ne ing Amanu king yatu, oneng e ne akilala ning yatu agyamang lelangan ne ning Dios ing yatu king kapamilatan na ning Amanu.

Juan 1:10 Iomraidhean Croise

Genesis 16:13

Oyni ing lagyung binie nang Agar king Ginu a magsalita: Ing Dios a Manakit! Nganang Agar king sarili na, Tutu ke kayang ikit ing Dios samantalang e na ku man ninanu balang?

Genesis 17:1

Siam yang pulu't siam a banua i Abram inyang akatagpu ne ing Ginu. Ngana, Abram, aku ing Dios a Mayupaya. Mamintu ka kanaku at mibiebie kang alang dungis.

Genesis 18:33

Meko ya ing Ginu kaybat nang meyaring mekipagsalita kang Abraham, at minuli ne man i Abraham.

Isaias 53:3

Lepastangan de ring tau at tinggian; pibata na ing kaplas at ing kasakitan. Ala mang bisang lumawe king keyang kabilian; e ta ya pinsingan, anti yang alang kabaldugan.

Mateo 11:27

Ing sabla binie na kanaku ning Ibpa ku at alang makakilala king Anak nune mu ing Ibpa, at alang makakilala king Ibpa nune mu ing Anak at detang birian nang makakilala keya ning Anak.

Juan 1:11

Dinatang ya king sarili nang balen, oneng e re tinggap ding kabalen na.

Juan 1:18

Ala pang menakit king Dios; oneng mipakilala ya ing Dios karing tau king kapamilatan na ning bugtung nang Anak; ing Anak a kayabe ning Ibpa king panga-Dios at kaluguran nang tutu.

Juan 1:3

at king kapamilatan na ning Amanu lelang na ning Dios ing sablang bage; alang nanumang mepalyari king melalang nune mu king kapamilatan na.

Juan 1:5

Saslag ya ing sala king karalumduman at e ne adaig ning karalumduman.

Juan 17:25

O Ibpang Banal, e na ka balu ning yatu, oneng aku balu ra ka at abalu ra deting binie mu kanaku king ika ing mitubud kanaku.

Juan 5:17

Oneng pekibatan na lang Jesus. Ngana, Alang tuknang ing pamagobra nang Ibpa ku at aku man kailangan kung magobra.

Ding Dapat 14:17

Makanyan man dininan na kayung masalang tanda tungkul king sarili na king kapamilatan da ring mayap a bage daraptan na kekayu; dirinan na kayung uran ibat banua at ya ing babie bunga karing tanaman yu king karampatan a panaun; ya ing babie pagkabie at mangatmung tula kekayu.

1 Corinto 1:21

Uling king kabiasnan na ning Dios, gewa nang masakit para karing tau ing abalu re king kapamilatan na ning karelang kabiasnan. Nune meyapan na ning Dios ing iligtas na la ding maniwala king kapamilatan na ning kamangmangan ning panaral mi.

1 Corinto 2:8

Metung man karing pamuntuk king panaun a iti alang makakilala kaniting kabiasnan. Nung akikilala da mu iting kabiasnan, e re sa pinaku king krus ing Ginu na ning ligaya.

1 Corinto 8:6

makanyan man para kekatamu atin mung metung a Dios, ing Ibpa a linalang king sablang bage. Mabibie tamu para keya at atin tamung metung a Ginu, i Jesu-Cristo. King kapamilatan na, ding sablang bage melalang la at king uli na mabibie tamu.

Colosas 1:16

King kapamilatan na lelangan na ning Dios ing sablang bage a atyu banua at ing keti king yatu; ing sablang mayayakit at e mayayakit, pati na ding kayupayan a espiritual, ding ginu, ding pamuntuk, at ding upaya; ing sabla-sabla melalang ngan king kapamilatan na at para keya.

Hebreo 11:3

King kapamilatan na ning kasalpantayanan karin tamu aintindian king ing meto sikluban melalang ya king amanu na ning Dios, at king ing kekatamung akakit megumpisa ngan king e tamu akakit.

1 Juan 3:1

Lawan yu nung nu anti ing lugud na ning Ibpa kekatamu! Tune na katamung kaluguran, inya mayayaus tamung anak na ning Dios, at king kamatutuanan anak na katamu pin. Ing sangkan nung inya ing yatu e na katamu akikilala ya ini: e ne akilala ing Dios.