Josue 5:1 - Ing Mayap a Balita Biblia

¹ Abalitan da ring sablang aring Amoreo dane albugan na ning Jordan at ding sablang aring Cananeo king bebe ning Dagat ning Mediteraneo king pepamala ne ning Ginu ing Ilug ning Jordan anggang e la mekadalakit ding memalen na ning Israel. Mitakutan la at mesira la lub arapan da ring Israelita.

Josue 5:1 Iomraidhean Croise

Ding Bilang 13:29

Manuknangan la ding Amalekita king dane mauli ning gabun; manuknangan no man ding Hiteo, Jebuseo, at Amoreo king bulubundukan. Manuknangan no naman ding Cananeo king lele na ning Dagat ning Mediteraneo at king lele ning Ilug ning Jordan.

1 Ari 10:5

ing pamangan a yapag da king lamesa na, ing tuknangan da ring opisyal na, ing pamagsilbi da ring talasuyu na, ing susulud dang imalan, ding magsadiang alak para king ari, at ding ain-a-durulukan a yayain na king Templo ning Ginu. Tune yang mengapamulala ing reyna king dimdam na ampon ikit.

Kapahayagan 18:10

Pakarayu-rayu ra Babilonia uli na ning takut dang midame la king daralanan nang parusa. Sabian da, Makatakut! Makapangilabut ing kasakitan a digpa king mayupayang siudad ning Babilonia kilub na mu ning metung a oras!

Amos 2:9

Samantalang king uli mu, O balen ku, pete ku la ding Amoreo, ding lalaking kasing katas da ring tanaman a sedro at kasing tibe da ring tanaman a ensina.

Daniel 5:6

Menimutla ya at tune yang mitakutan angga king ginalgal la ding tud na.

Ezekiel 21:7

Potang ikutang da keka obat sasaingsing ka, ipakibat mu king ing sangkan ya ing balitang daratang. Potang miras na iting balita, mangatmu la ding pusu ra king takut, mangalambut la ding gamat da, mina la lub, at galgal la ding tud da. Dinatang na ing oras, atyu na keti. Ing Ginung Dios ya ing migsalita.

Ezekiel 16:3

Sabian mu king Jerusalem nung nanu ing sasabian na ning Ginung Dios: Mibait ka king bansa ning Canaan. Metung yang Amoreo i tata mu at Hetea ya i ima mu.

Ding Dalit 135:11

Antimo i Sihon a ari ding Amoreo, at i Og a ari ning Bashan, at ding sablang ari king Canaan.

Ezra 9:1

Kalabas da reting bage milyari, lepitan da ku ring mapilan karing pamuntuk da ring memalen na ning Israel at ngara kanaku, Ding memalen na ning Israel, ding pari, at ding Levita menugali lang makasumaming anti ding Cananeo, Hiteo, Perezeo, Jebuseo, Ammoneo, Moabita, Ehipto, at Amoreo.

2 Samuel 21:2

E la Israelita ding memalen na ning Gibeon; ila ring mitagan karing Amoreo. Ila ring pengakuanan dang e ra paten ding Israelita, oneng buri na lang gisanan paten Saul uli na ning maragul nang katapatan karing memalen na ning Israel at Juda.)

1 Samuel 25:37

Pangayabak e ne malasing i Nabal at belita na la ning asawa na deting bage. Meyataki ya at e ne makagalo.

Ukum 11:23

Inya ing Ginu, ing Dios ning Israel, ya ing mitabi karing Amoreo ban mika gabun la ring memalen nang Israelita. Nanung matulid mu ban kuanan pasibayu iti?

Ukum 4:2

Inya peintulut na ing masambut la kang Jabin, ing ari na ning Canaan a mamuntukan king siudad ning Hazor. I Sisera ya ing pamuntuk da ring sundalus na a manuknangan king Haroset-da-ring-Paganu.

Ukum 3:3

Ding mitagan king bansa ila ding lima dang siudad ding Filisteo, ding Cananeo, ding Sidoniano, at ding Heveo a manuknangan karing kabundukan na ning Lebanon manibat king Bunduk ning Baal Hermon angga na king Pidadalanan ning Hamat.

Ukum 1:1

Kamate nang Josue ngarang kinutang ding memalen na ning Israel king Ginu, Ninu karing kekaming tribu ing dapat munang lumusub laban karing Cananeo?

Josue 24:15

Nung e kayu bisang sumuyu king Ginu, mamili kayu ngening aldong iti nung kaninu kayu sumuyu: karing aliwang dios a simban da ring makatua yu karin Mesopotamia o ding kikilalanan dang dios ding Amoreo ning gabun a ngeni panuknanganan yu? Oneng aku at ing pamilya ku ing Ginu ya ing kekaming suyuan.

Josue 17:18

Maging bandi ye ing bulubundukan; agyamang gubat ya, kabud alinis ye maging bandi ye manibat king metung nang punta angga na king sumangid nang punta. Agyu yu lang itabi ding Cananeo agyamang atin lang karung bakal at masikan la.

Josue 17:12

Oneng ding memalen ning Manase e ra la atabi ding taung manuknangan kareting siudad, inya menatili lang makatuknang karin ding Cananeo.

Exodo 23:28

Parala kung putakti at misambulat la ding kalaban yu; itabi ku la ding Heveo, Cananeo, at ding Hiteo.

Genesis 48:22

Metung pa, babie ke keka at e karing kapatad mu ing Sikem a simbut ku karing Amoreo kapamilatan na ning espada at pana.

Genesis 12:6

libutan neng Abram angga king miras ya king lele na ning sagradung tanaman ning More, ing banal a lugal karin Sikem. (Manuknangan la pa kanita karin ding Cananeo.)

Isaias 41:5

Ikit ding memalen da ring marayung bansa ing kakung depatan; mitakutan la at king takut da gagalgal la. Inya miyabe-abe la at datang.

Josue 3:16

tinuknang mamagus ing danum at migtipun ketang marayung dake bandang babo nung nu ya manibatan ing ilug tulid ning Adam, ing siudad siping ning Zaretan. Lubus tinuknang ing danum a mamagus pababa papunta king Dagat a Mete, at mekadalakit la ding memalen malapit king Jerico.

Josue 3:17

Kabang lalakad la ring Israelita babo ning malanging gabun, ding pari namang magdala king Kaban ning Kasunduan ning Ginu makatalakad la king gabun a malangi libutad ning Jordan angga king mekadalakit la ngan ding tau.