Josue 2:3 - Ing Mayap a Balita Biblia

³ Inya pepasabi na ini kang Rahab: Dinatang la ring lalaking atyu king bale mu ban mag-ispia la king mabilug a kayarian. Ilual mu la!

Josue 2:3 Iomraidhean Croise

Genesis 38:24

Kalabas na ning atlung bulan belita ra kang Juda king memialung yang api ing manuyang nang i Tamar at ngeni mabuktut ya. Ilual ye, nganang Juda, at saka ye silaban.

Genesis 42:31

Pero sinabi mi king ali kami at tau kaming apaniwalan.

2 Samuel 10:3

ding manimuna da ring Ammonita sinabi ra king Aring Hanun, Pota isipan yu ing tinubud na lang Aring David deting pekakatawan na ban makirame kekayu at parangalan ing meyangu-bie tata yo? Ali, tinubud na la den ban mag-ispia at pagaralan nung makananu deng ibagsak ing kayarian yu.

2 Samuel 17:20

Dinatang la karin ding tauan nang Absalom at ngarang kinutang king asawa na ning makibale, Nukarin la ri Ahimaaz at Jonatan? Pekibat na, Lipatan da ne ing ilug. Penintun da la ring tauan nang Absalom di Ahimaaz at Jonatan, oneng e da la ikit. Inya mibalik la king Jerusalem.

1 Cronica 19:3

ngara ding manimuna na ning Ammon kang Aring Hanun, Pota isipan yu king pepadala na lang David deting tubud ban makirame kekayu king pangamate nang tata yo? Agyang ditak ali la! Dinatang la ren ba reng ispian ing bansa tamu at kaybat lusuban neng David.

Job 21:30

King aldo a mimua ya ing Dios at mamarusa ya, e wari ing taung e mayap ya ing mililigtas?

Levitico 24:14

Ilual ye king kampu ing lalaking ita. Ing balang metung karing mekaramdam king pamanagkas na laban kanaku, ing Ginu, itumpak da la ring gamat da king buntuk niting lalaki ban saksian da ing pamikasala na. Kaybat, paten ne ning mabilug a balen king kapamilatan na ning pamamasibas batu.

Juan 19:4

Linual yang pasibayu i Pilato at sinabi na karing tau, Iyarap ke kekayu ban abalu yu king e ku manakit nanumang kasalanan keya.

Ding Dapat 12:4

Kaybat deng dekap i Pedro dela re king sukulan at karin de piliwas-liwas ginuardian ding apat a grupung sundalus, tiapat lang tau balang grupu. Isipan nang Herodes ing iyarap ne karing memalen Judio kalabas na ning Pamaglagpus.

Ding Dapat 12:6

Kanitang benging bayu ne iyarap Herodes king balen, matudtud ya i Pedro pilatan da ring aduang guardia. Makatali ya karing aduang tanikala. Atin munamang guardiang makabante king pasbul ning sukulan.

Josue 10:23

Inya biklat de ing kueba at liwal da la ring ari na ning Jerusalem, Hebron, Jarmut, Lakis, at Eglon.

Josue 2:2

Abalitan na ning ari ning Jerico king ating mapilan a Israelitang dinatang itang benging ita ban mag-ispia la king mabilug a kayarian.

Josue 2:4

Nganang mekibat Rahab, Tutu pin king ating dinatang a lalaki kanaku, oneng e ku balu nung nu la ibat at inyang sisilim na at oras na ban isara ya ing pasbul dalan ning siudad linual la ding lalaki. E ku balu nung nu la minta; nung ngeni mu rin tagalan yu la atagal yu la pa. (Kanita dela na na lang Rahab ding aduang ispia king bubungan at selikut na la karing tangke da ring lienso a inayus na karin.)

Ukum 4:20

Kanita nganang Sisera, Talakad ka king pasbul ning tolda at nung ating kutang nung ating tau keti, sabian mu ala.