Josue 17:4 - Ing Mayap a Balita Biblia

⁴ Minta la kang Eleazar a pari at kang Josue a anak nang Nun at karing manimuna. Ngara, Inutusan ne ning Ginu i Moises ban dinan na kami, at ding kamaganak ming lalaki, metung a dake ning gabun ban maging bandi mi. Inya, agpang king inutus na ning Ginu, mirinan lang dake king gabun ampon ding kamaganak dang lalaki.

Josue 17:4 Iomraidhean Croise

Ding Bilang 27:1

Di Mahla, Noe, Hogla, Milka, at Tirza babai lang anak nang Zelofehad a anak nang Hefer. I Hefer anak neng Gilead a anak nang Makir a anak nang Manase a anak nang Jose. Pintalan de reting babai i Moises.

Ding Bilang 27:4

Uli mo wari ning ala yang anak a lalaki i tata mi leko ye lagyu king listahan ning Israel? Ibie yu kekami itang dake na kalupa na ning karing kamaganak na.

Ding Bilang 36:10

Tiparan da ring anak nang babaing Zelofehad ing inutus na ning Ginu king kapamilatan nang Moises.

Galacia 3:28

Inya ala nang pamiyaliwa karing Judio at karing paganu, karing ipus at karing malaya, karing lalaki at karing babai. Uling ikayu ngan sabla metung kayu mu king pangayabe yu kang Cristo Jesus.

Josue 14:1

Iti ya ing istoria nung makananung ing gabun ning Canaan dane albugan ning Jordan meparti ya para karing memalen na ning Israel. Piparti-parti de ri Eleazar, ing pari, Josue a anak nang Nun, at ding pamuntuk da ring pamilya da ring tribu na ning Israel ing gabun karing memalen.

Josue 17:5

Iti ya ing sangkan nung inya i Manase tinanggap yang apulung dake karagdagan pa king Gilead at Bashan a atyu king dane nang aslagan ning Jordan,

Josue 21:1

Minta la ring pamilyang pamuntuk da ring Levita kang Eleazar, ing pari, kang Josue a anak nang Nun at karing pamuntuk ding pamilya da ring sablang tribu na ning Israel.