Josue 16:10 - Ing Mayap a Balita Biblia

¹⁰ Makanyan man, e da la tinabi ding Cananeo a manuknangan Gezer. Inya mibiebie lang makalibutad ding Cananeo karing Efraimita angga man king panaun ngeni, oneng mepilitan lang magobra bilang ipus.

Josue 16:10 Iomraidhean Croise

Ukum 1:29

E na la tinabi ning tribu nang Efraim ding Cananeo a manuknangan king siudad ning Gezer, inya menatili lang manuknangan karin a kayabe ra ding Cananeo.

1 Ari 9:16

Lisuban ne ning ari ning Ehipto ing Gezer at abihag ne; pepapate na la ding sablang taung manuknangan karin, at pepasilab ne iting siudad. Kaybat na nita, binie ne bilang regalu king anak na inyang mekiasawa ya kang Solomon.

Josue 17:13

Agyamang masikan na la ding Israelita, e da la ngan tinabi ding Cananeo, oneng pinilit da lang magobra para karela.

1 Ari 9:21

oneng lahi da la ring mitagan a e ra pete ding Israelita kanitang lisuban de ing lugal, ginamit na la king sapilitan pamagobra bilang ipus at makanyan la kabilian angga man ngeni.

Josue 15:63

Oneng ding tau Juda e ra la atabi ding Jebuseo a manuknangan Jerusalem. Inya angga man ngeni manuknangan la pa karin ding Jebuseo.

Josue 10:33

Dinatang ya i Aring Horam ning Gezer ban sumaup karing tau Lakis, oneng simbut neng Josue iting ari at ding sundalus na. Ala yang tinagan mabie karela.

Josue 16:9

pati ding mapilan a balen at baryung atyu kilub na ning angganan nang Manase, oneng miyabie karing Efraimita.

Josue 17:12

Oneng ding memalen ning Manase e ra la atabi ding taung manuknangan kareting siudad, inya menatili lang makatuknang karin ding Cananeo.

1 Ari 9:15

Iti ya ing istoria tungkul king sapilitang pamagobra a pepatupad nang Aring Solomon karing memalen ban apagawa ne ing Templo ning Ginu at ing palasyu na at tambakan ya ing Milo, at ban gawan la ring pader ning Jerusalem, ing Hazor, ing Megido, at ing Gezer. (

2 Cronica 8:8

E la Israelita at ila ring e ra pete inyang lisuban de ring Israelita ing Canaan. Pinilit na lang magobra at angga na king panaun ngeni.