Josue 13:3 - Ing Mayap a Balita Biblia

³ antimu rin ing sablang lugal na ning Avim bandang mauli. (Ing gabun manibat king sapa ning Sihor, king angganan na ning Ehipto, angga na king dane norti king angganan na ning Ekron makikilalang sakup na ning Canaan. Manuknangan la Gaza, Asdod, Askelon, Gat, at Ekron ding ari da ring Filisteo.)

Josue 13:3 Iomraidhean Croise

Genesis 10:6

Oreni naman ding anak nang Ham: i Cus, Mizraim, Put, at i Canaan.

Genesis 15:18

Kanita ya mekipagkasundu ing Ginu kang Abram. Ngana, Babie ke ing gabun a iti karing maging lahi mu, manibat king ilug ning Ehipto angga king maragul a Ilug ning Eufrates

1 Ari 8:65

Inya i Solomon at ding sablang memalen ning Israel, pigselebran de ing Piesta da ring Dalungdung kilub ding pitung aldo. Maragul ya ing katipunan da ring mekipamiesta a menibatan pa king marayung Pidadalanan ning Hamat dane norti angga na king Pinak ning Ehipto king dane mauli.

1 Cronica 13:5

Inya tinipun na lang David ding Israelita manibat king Sihor ning Ehipto angga king Pidadalanan ning Hamat ban kuanan ya king Kiriat Jearim ing Kaban ning Dios at kaybat idala ya king Jerusalem.

Isaias 23:3

king kasumangid nang pampang ning dagat ban sali at mamisali king binutil ibat king kapatagan na ning Nilo ning Ehipto at ban mangalakal karing sablang bansa.

Jeremias 2:18

Nanu mong mayap ing ibunga na ning pamamunta mu Ehipto? Atin kang apala king pamaninum mu king danum ning Ilug ning Nilo? Nanu mong mayap ing ibunga na ning pamamunta mu king Asiria? Atin kang apala king pamaninum mu king danum ning Ilug ning Eufrates?

Deuteronomio 2:23

Ding tau Avim naman a manuknangan king pasigan na ning Mediteraneo megisan la karing tau Captor at ilang menuknangan karin.)

Josue 13:13

Makanyan man, ding Israelita e da la tinabi ding memalen na ning Gesur at Maaca; angga man ngeni manuknangan la king Israel.

Ukum 16:5

Pintalan de ring limang aring Filisteo at ngara kang Delila, Gawa kang paralan ban sabian na kekang Samson nung ba't tutu yang masikan at nung makananu mi yang asugpuan, agapus, at e makalaban. Dinan na kang libu dinalan a pirasung pilak ning balang metung kekami, nung daptan mu iti.

Ukum 3:3

Ding mitagan king bansa ila ding lima dang siudad ding Filisteo, ding Cananeo, ding Sidoniano, at ding Heveo a manuknangan karing kabundukan na ning Lebanon manibat king Bunduk ning Baal Hermon angga na king Pidadalanan ning Hamat.

1 Samuel 5:1

Ibat king Ebenezer dela re ding Filisteo ing Kaban ning Dios karin Asdod.

1 Samuel 5:10

Kaybat dela re ing Kaban ning Dios karin Ekron. Oneng ngara ding tau Ekron inyang miras ya karin ing Kaban ning Dios, Dela re ing Kaban ning Dios ning Israel kekatamu ban itamu naman ing papate ra king Dios ning Israel.

1 Samuel 5:8

Atin lang tiburan a tau at pepatipun da la ring sablang ari da ring Filisteo at ngarang mengutang, Nanung gawan mi king Kaban ning Dios ning Israel? Ngarang mekibat, Padala ya ing Kaban ning Dios ning Israel karin Gat. Makanyan deng dela ing Kaban ning Dios ning Israel karin Gat.

1 Samuel 6:4

Nanu ne man ing regalu a padala tamu bilang bayad king kasalanan? ngarang kinutang ding tau. Pekibat da, Limang gintung tumor at limang gintung dagis agpang king kabilangan da ring ari da ring Filisteo, uling metung ya mu ing salut a digpa kekayu at karing ari yu.