Josue 1:2 - Ing Mayap a Balita Biblia

² Ngana ning Ginu kang Josue, Mete ne ing talasuyu kung i Moises. Magsadia ka at pati na ding sablang memalen na ning Israel. Dalakitan ye ing Ilug ning Jordan papunta king gabun a babie ku kekayu.

Josue 1:2 Iomraidhean Croise

Genesis 17:8

Ibie ke keka at karing lahi mung sasalisi ing gabun nung nu ka manuknangan ngeni, ing mabilug nang gabun ning Canaan bilang pibandian yu king kapilan pa man, at aku ing maging Dios da.

Nehemias 9:23

Peparakal mu la ding anak da, kasing dakal da la ring batuin ning banua, at dela mu la king gabun a pengaku mung ibie karing makatua da ban maging bandi ra.

Job 1:8

Ngana ning Ginu kang Satanas, Apansingan mu ne ing talasuyu kung i Job? Ala kang akit kalupa na king yatu. Tau yang alang kapintasan at makatuliran; atin yang takut king Dios at mangilag ya king nanumang e ustu.

Isaias 42:1

Nganang sasabi ning Ginu, Oyni ing kakung talasuyung kakung pasiknangan; ya ing kakung pinili at bina kung matula. Kitmuan ke king kakung upaya, at king balang bansa idala na ing hustisia.

Ding Bilang 12:7

Oneng e makanyan ing daraptan ku king talasuyu kung i Moises a pepamahalan ku karing memalen ku.

Deuteronomio 3:28

Oneng ituru me i Josue ketang sukat nang gawan; pasiknangan me lub at patnubayan uling ya ing manimuna karing kabalen na king gabun a kekang akakit.

Deuteronomio 31:7

Kaybat na nita, inaus neng Moises i Josue at king durungutan da ring sablang memalen ning Israel sinabi na, Magpakatatag ka; siknangan mu ing lub mu, uling ika ing manimuna kareting tau ban asakup ya ing gabun a pengaku na ning Ginu ban ibie karela at bandian.

Deuteronomio 34:5

At i Moises, ing talasuyu ning Ginu, mete ya karin king sakup ning Moab, agpang king tikda ning Ginu.

Josue 1:1

Kamate nang Moises, ing talasuyu ning Ginu, migsalita ya ing Ginu kang Josue. I Josue anak neng Nun at ya ing kasaup nang Moises.

Josue 1:11

Munta kayu king kampu at sabian yu karing tau, Isadia yu ing pamangan a bakalan yu uling kilub da ring atlung aldo lipatan ye ing Ilug ning Jordan, at sakupan ye ing gabun a babie na kekayu ning Ginung kekayung Dios.