Jonas 4:6 - Ing Mayap a Balita Biblia

⁶ Kanita pepatubuan ne ning Ginung Dios ing metung a tanaman ban munie salilung kang Jonas at ban e ya manamdaman pali. At tutu yang mesaya i Jonas king tinubung tanaman.

Jonas 4:6 Iomraidhean Croise

Ester 5:9

Masaya yang masayang minuli i Haman king aldong ita. Oneng mikapali ya buntuk inyang ikit ne i Mordecai king lele ning pasbul palub king palasyu, uling e ya dinuku o minie galang.

Job 7:2

Kalupa na mu ning ipus a magnasang salilungan o ning upahan a manayang bayaran.

Ding Kasebian 23:5

Agad lang mawawala ding kualta; susulapo lang mabilis anti ing ayup a agila.

Isaias 39:2

Matula na lang tinggap Hezekia ding tubud na ning ari ning Babilonia. Kaybat na nita, pepakit na karela ing pibandian nang pilak at gintu, ding paniangkap-pamangan at pabanglu na. Pepakit na naman karela ing miyayaliwa nang kagamitan king pamakigera. Pepakit na ngan karela ing sablang pibandian nang pakasalikut karing miyayaliwa nang pisisinupan ning kayarian na.

Amos 6:13

Pagmaragul yung abihag ye ing balen Lodebar. Ngayu pang sasabi, Agyu-agyu ta yang salakayan ing Karnaim.

Jonas 1:17

King utus ning Ginu inakmul ne ning metung a maragul a asan i Jonas, at menatili ya king atian na ning asan kilub ding atlung aldo at atlung bengi.

Jonas 4:5

Minta ya i Jonas king dane aslagan na ning siudad at karin ya linukluk. Ginawa yang balag at sinalilung ya karin; pagumasdan na nung nanu ing malyari king Nineve.

Jonas 4:7

Oneng kabukasan, inyang saslag ne ing aldo, inutusan ne ning Dios ing metung a ulad ban siran ne ing tanaman, at mete ya ing tanaman.

Lucas 10:20

Oneng e kayu magsaya ngening mamintu la kekayu ding marawak a espiritu, nune tumula kayu uling makasulat la ding lagyu yu karin banua.

1 Corinto 7:30

detang manangis antimong e manangis; detang matula antimong e matula; detang maniali antimong e ra bandi ing seli ra;