Jonas 4:5 - Ing Mayap a Balita Biblia

⁵ Minta ya i Jonas king dane aslagan na ning siudad at karin ya linukluk. Ginawa yang balag at sinalilung ya karin; pagumasdan na nung nanu ing malyari king Nineve.

Jonas 4:5 Iomraidhean Croise

1 Ari 19:13

Inyang dimdam nang Elias iti, tikpan ne ing lupa na king balabal at linual ya at menaya king arap ning kueba. Ngana ning siwala, Elias, nananu ka keti?

1 Ari 19:9

Karin ating kueba; linub ya karin ban matudtud. Kabud-abud migsalita ya ing Ginu. Ngana, Elias, obat atyu ka keti?

Isaias 57:17

Mimua ku pin karela uli na ning karelang pamikasala at kasakiman. Inya king mua ku perusan ku la at gilutan. Oneng masias la buntuk at sindu ra ing sarili dang kaburian.

Jeremias 20:9

Oneng potang kakung sabian, Kalinguan ku ne ing Ginu, e ku ne banggitan pa ing lagyu na, kanita ing keka namang amanu mengari ya king aping milalablab king libutad ning pusu ku; magalsa kilub dang busbus ding butul ku, mangaina na ku king pamamigil. E ku na bitasang ayaguanta.

Jonas 1:5

Mitakutan la ding marino at kinulisak lang maniawad saklolu karing sarasarili dang dios. Ban mabawas ing panganib, inugse ra king dagat ing kargang makasake king barku. Samantalang malilyari iti, minta ya i Jonas king kakilubkiluban na ning barku at karin ya metudtud maniaman.

Jonas 4:4

Ngana ning Ginu, Jonas, ala kang matulid mimua.

Jonas 4:6

Kanita pepatubuan ne ning Ginung Dios ing metung a tanaman ban munie salilung kang Jonas at ban e ya manamdaman pali. At tutu yang mesaya i Jonas king tinubung tanaman.