Jonas 4:2 - Ing Mayap a Balita Biblia

² Inya nganang menalangin, Ginu, bayu ke likuan ing kanakung tuknangan e ku wari sinabi keka king iti ya ing marahil mung daptan? Iti ya ing sangkan nung inya migkapilit kung tinakas papunta king Tarsis! Balu ku king Dios kang malugud at mapaglunus, king manatili kang mapibabata, maganaka, at manatiling makasadiang magbayu balak at e mamarusa.

Jonas 4:2 Iomraidhean Croise

1 Ari 19:4

at linakad yang dili na kilub ning metung a aldo pamaglakbe papunta king ilang. Tinuknang ya at linukluk lalam ning tanaman a retama at buri na ing mate ne sana. Nganang menalangin, O Ginu, mapagal na ku; kuanan mu na ing bie ku, mas mayap pa ing mete na ku!

Ding Dalit 103:8

Malunusan ya at maganaka ing Ginu, e ya agad mimimua, at tapat ing lugud na.

Ding Dalit 145:8

Malugud ya at mapaglunus ing Ginu; banayad ya king pamimua, at maglapo king e kukupas ing lugud na.

Ding Dalit 78:38

Makanyan man, ing Dios a mapaglunus pepatawaran na la at kinabus. Maralas nang pipigilan ing mua na, at ing kasbu na.

Ding Dalit 86:15

Oneng ika, O Ginu, Dios kang mapaglunus; mapibabata ka at parati kang malugud at tapat.

Ding Dalit 86:5

Uling maganaka ka at mapamatawad, O Ginu, karing sablang mamaus keka mitmu kang lugud.

Ding Dalit 90:13

Ginu, ing kekang mua kekami angga kapilan? Keka la sanang lunusan dening kekang alipan.

Exodo 32:14

Inya migbayu ya isip ing Ginu at e na na pepagpa karing memalen na ing kasiran a bela nang ipagpa karela.

Jeremias 18:8

oneng itang bansang ita tuknang yang darapat e mayap, e ku na ibalaus kanita itang sinabi kung daptan ku.

Jeremias 20:7

Ginu, lininlang mu ku, at melinlang na ku man. Mas masikan ka kesa kaku, at adaig mu ku. Pagsisti da ku ding sabla; kaylian da ku kilub ning patingapun.

Jeremias 26:13

Kailangan ing magbayu kayung bie at pamintuan ye ing Ginung kekayung Dios. Nung makanyan ing daptan yu e na na kanita ibalaus ing balak nang kasiran a sinabi nang iparala na kekayu.

Jeremias 42:10

Nung bisa kayung manatiling manuknangan keting bansa, italakad da kayu at e lasakan. Itanam da kayu at e bagutan. Ing dela kung kasiran kekayu minie maragul a lungkut kanaku.

Amos 7:3

Migbayu ya isip ing Ginu at ngana, E ku na papalyarian ing ikit mu.

Amos 7:6

Pasibayu yang migbayu isip ing Ginung Dios at ngana, E ku munaman papalyarian iti.

Jonas 1:3

Oneng minta ya i Jonas king aliwang lugal ban atakasan ne ing Ginu. Minta ya king Jopa nung nukarin ne disan ing metung a barkung malapit nang mako para munta Tarsis. Binayad na ing pasahi na, at sinake yang kayabe ra ding mamahala king barku ban maglayag munta Tarsis. Isipan nang Jonas king e na ne akit ning Ginu.

Jonas 3:10

Ikit na ning Dios ing depatan da ring tau; ikit na king likuan da na ing dapat dang e mayap. Inya binayu na ning Dios ing banta na, at e na na belaus ing sinabi nang parusan na la.

Jonas 3:9

Mapalyaring alilan na ning Dios ing banta na; mapalyaring e ne mimua kekatamu at e tamu malaus mate!

Mikeas 7:18

Ala nang dios a anti keka, O Ginu; patawaran mu la ding kasalanan da ring kekang memalen a mitagan. E manatili kabang-kaba ing mua mu, nune matula mung papakit kekami ing ala mung kupas a lugud.

Lucas 10:29

Oneng buri na ning talaturu ning Kautusan ing ipakit na king maka matulid ya; inya ngana pang kinutang kang Jesus, Ninu wari ing kalupa kung tau?

Deuteronomio 4:31

Malunusan ya ing Ginung kekayung Dios, e na kayu gulutan o gisanan paten o kalinguan itang kasunduan a pengaku nang tuparan karing makatua yu.