Jonas 3:9 - Ing Mayap a Balita Biblia

⁹ Mapalyaring alilan na ning Dios ing banta na; mapalyaring e ne mimua kekatamu at e tamu malaus mate!

Jonas 3:9 Iomraidhean Croise

2 Samuel 12:22

Wa, nganang David, mig-ayunu ku kanita at menangis ku inyang mabie ya ing anak. Atyu kanita king lub ku ing malunus ya kanaku ing Ginu at e na paintulut ing mate ya ing anak ku.

Ding Dalit 106:45

Alang-alang karela, genaka ne itang kasunduan da; uling tutu nong kaluguran, penupaya na la.

Ding Dalit 85:3

Leko mu ing sabla mung mua; peparimla mu ing kasbu mung mikakapali.

Ding Dalit 90:13

Ginu, ing kekang mua kekami angga kapilan? Keka la sanang lunusan dening kekang alipan.

Jeremias 26:13

Kailangan ing magbayu kayung bie at pamintuan ye ing Ginung kekayung Dios. Nung makanyan ing daptan yu e na na kanita ibalaus ing balak nang kasiran a sinabi nang iparala na kekayu.

Daniel 4:27

Inya Makamal a Ari, tukian yu ing kanakung payu. Tuknang na kayung darapat pamikasala, gawan yu itang matulid, at maging mapaglunus kayu karing pakakalulu. Kanita manatili kayung payapa pamibiebie.

Amos 5:15

Pikasaman yu ing e mayap at luguran yu ing mayap, at pagsikapan yung mag-ari ing hustisia karing husgadu. Palamang-lamang malunus ya ing Ginu karing mitagan a memalen na ning bansang iti.

Jonas 1:15

At kaybat, biwat de i Jonas at inatsa re king dagat, at kanita mu rin tinuknang ing bagyu.

Jonas 1:6

Ikit ne ning kapitan ning barku at ngana kang Jonas, Obat atyu ka ken at matudtud? Talakad ka at maniawad kang saup king kekang dios; magkang malunus ya kekatamu at iligtas na katamu.

Jonas 4:2

Inya nganang menalangin, Ginu, bayu ke likuan ing kanakung tuknangan e ku wari sinabi keka king iti ya ing marahil mung daptan? Iti ya ing sangkan nung inya migkapilit kung tinakas papunta king Tarsis! Balu ku king Dios kang malugud at mapaglunus, king manatili kang mapibabata, maganaka, at manatiling makasadiang magbayu balak at e mamarusa.

Zepania 2:3

Magbalik kayu king Ginu, ikayung sablang mapagpakumbaba keti king bansa a mamintu karing utus na. Daptan yu ing matulid at magpakumbaba kayu arapan ning Ginu. Mapalyaring aligtasan yu ing parusa king aldo nung kapilan na ipakit ning Ginu ing maragul nang mua.

1 Samuel 6:5

Pakilupa yu la ding gintu karetang tumor at dagis a penibatan na ning salut yu; parangalan ye ing Dios ning Israel, pota ituknang na na ing parusa na kekayu, karing kikilalanan yung dios, at king bansa yu.