Jonas 3:8 - Ing Mayap a Balita Biblia

⁸ Sukat lang misulud imalan a magaspang ding sablang tau at animal. Sukat yang manalangin taimtim ing balang metung king Dios, at sukat nang gulutan ing ugali nang e mayap at ing e ustung daraptan na.

Jonas 3:8 Iomraidhean Croise

Job 16:17

Makanyan man alang masabing depat kung katampalasanan, at taimtim ing kakung panalangin.

Job 36:10

Ausan na la kapanamdaman, at agkatan gumulut king kasalanan.

Isaias 58:6

Oyni ing pamag-ayunung buri ku: Ilako yu la ding tanikala na ning pamanggipit, ipatupad ing hustisia, at gawan malaya ding magigipit.

Jeremias 18:11

Inya ngeni, sabian mu karing memalen na ning Juda at Jerusalem king gagawa kung planu laban karela at magsadia na ku ban parusan ku la. Sabian mu karela king tuknang na lang mabibie king pamikasala, king sukat na lang magbayung bie.

Jeremias 25:5

Sinabi da kekayu king lakuan yu na ing e mayap yung pamibiebie, at tuknang nang darapat karing e ustung bage ban manatili kayung mangabiayan king bansang binie na ning Ginu kekayu at karing makatua yu bilang kekayung pibandian king kapilan pa man.

Jeremias 26:3

Mapalyaring makiramdam la ding tau at lakuan da ing e mayap dang pamibiebie. Nung makanyan ing mapalyari, e ku na kanita ibalaus ing balak kung kasiran karela uli na ning dapat dang e mayap.

Jeremias 36:3

Magkang gumulut la ding memalen na ning Juda king e ustung pamibiebie potang damdaman da ing sablang kasiran a buri kung iparala karela. Kanita patawaran ku ing depat dang e ustu at ing kasalanan da.

Ezekiel 33:11

Sabian mu karela king kabang aku, ing Ginung Dios, ing mabie Dios, e ku matulang akit keng mate ing metung a makasalanan. Mas buri ke pang akit tuknang king pamikasala na at mie. Israel, patugut na ka king dapat mung pamikasala. Baket buri mu pa ing mate ka?

Daniel 4:27

Inya Makamal a Ari, tukian yu ing kanakung payu. Tuknang na kayung darapat pamikasala, gawan yu itang matulid, at maging mapaglunus kayu karing pakakalulu. Kanita manatili kayung payapa pamibiebie.

Joel 1:14

Iyutus yu ing pamag-ayunu, maus kayung kapulungan! Pamuntuk kekayu lang tipunan pati ding sablang king Juda manuknangan; at kilub ning Templo maus kayu king kekong Dios!

Jonas 1:14

Inya kinulisak la king Ginu. Ngara, O Ginu, ipakisabi ming mayap king e mu ke sa paburen mate king uli na ning bie ning lalaking iti; ala kaming kasalanan. Ika, O Ginu, ing maki pasari kaniting malilyari. Dapat mu iti!

Jonas 1:6

Ikit ne ning kapitan ning barku at ngana kang Jonas, Obat atyu ka ken at matudtud? Talakad ka at maniawad kang saup king kekang dios; magkang malunus ya kekatamu at iligtas na katamu.

Mateo 3:8

Nung tune kayung sisisi karing kasalanan yu, ipakilala yu king pamagbayu yung bie.

Ding Dapat 26:20

Muna karin Damasco at karin Jerusalem at kaybat king mabilug a bansa da ring Judio, at penaral ku karing paganu king sukat lang sumisi karing karelang kasalanan at magbalik la lub king Dios at daptan da la detang bage pakilala king pamanisi ra.

Ding Dapat 3:19

Inya ngeni sumisi kayu at magbalik lub king Dios ban mipatawaran ing kasalanan yu,

Kapahayagan 11:3

Parala ku la ding adua kung testigu a makaimalan magaspang, at kilub ding libu aduang dalan at anam a pulung aldo ipanaral da ing amanu na ning Dios.