Jonas 3:6 - Ing Mayap a Balita Biblia

⁶ Inyang abalitan na ning ari ning Nineve iti, tinalakad yang ibat king tronu na; likas ne ing balabal na, misulud yang imalan a magaspang at linukluk ya king abu.

Jonas 3:6 Iomraidhean Croise

1 Ari 21:27

Inyang dimdam na lang Ahab deting amanu, ginabak na ing susulud nang imalan, at misulud yang imalan a magaspang E ya bitasang mengan at metudtud ya king imalan a magaspang. Tutu yang melungkut at mesakit a lub.

Job 2:8

Linukluk ya king abu i Job, at kinangwa yang kapirasung kapsa ban pangayud na karing baya na.

Job 42:6

Inya tutu kung pagmarinayan ing heganagana kung sinabi, at sisisian ku king alikabuk at abu.

Isaias 15:3

Pakaimalan lang magaspang ding taung atyu karing dalan; malungkut la at kikiak ding tau karing plasa na ning siudad at karing asotea babo ding bale.

Jeremias 13:18

Ngana pa kanaku ning Ginu, Sabian mu king ari at kang ima na king kuldas na la king karelang tronu, uling mebalag na la karing buntuk da ring malagung korona ra.

Jeremias 36:13

Sinabi nang Micaias karela ing sablang dimdam na inyang babasan neng Baruk karing tau ing lulun.

Jeremias 36:24

E ya mitakutan o melungkut man ing ari at ding opisyal a mekaramdam king pangabasa na ning lulun.

Jeremias 6:26

Nganang sasabi ning Ginu karing taung pinili na, Magsulud kayung imalan a magaspang at magbiling-biling king abu. Tumangis kayung kapait-paitan antimo ing pamanangis yu king kabubugtungan yung anak a lalaking mete. Salake ya king oras a e yu piadian ing datang ban manlasak kekayu.

Ding Tagulele 2:10

Ding makatua nang lalaki ning Jerusalem tahimik lang pakalukluk king gabun, ating alikabuk karing karelang buntuk, at langgotsi ing makabalabal karing karelang katawan; ding dalaga king gabun pakaduku la ngan.

Ding Tagulele 3:29

Sukat ing duku at pailalam, uling siguru atin pang kapanayan.

Ezekiel 26:16

Kuldas la karing tronung luklukan da ring sablang ari da ring bansang mapaglayag keng dagat. Ilukas da la ring karelang balabal at ing imalan dang birdahan at lukluk lang gagalgal king gabun. Mangilabut lang e makanyan-kanyan king kekang kerarasan angga king e ra apigil ing galgal da.

Daniel 9:3

At taimtim kung menalangin king Ginung Dios; menalangin ku king Dios, mig-ayunu, misulud imalan a magaspang, at linukluk ku king abu.

Mikeas 1:10

E yu pamalita karing kalaban tamu karin Gat ing pangasambut tamu; e kayu papakit kikiak. Ikayung memalen na ning Bet Leafra, ipakit yu ing kekayung sindak king kapamilatan ning pamagkasatkasat yu king alikabuk.

Mateo 11:21

Ngana, Makalunus ka, Corazin! Makalunus ka Betsaida! Uling nung king Tiro at king Sidon karin la merapat ding milagrung merapat kekayu, malambat na la sanang mimalan a magaspang at memuntuk abu ding tau karin ban ipakilala ra ing karelang pamanisi.

Lucas 10:13

Makalunus na ka Corazin! Makalunus ka naman Betsaida! Nung ding milagru a merapat libutad yu merapat la karin Tiro at Sidon, maluat na la sanang makasulud imalan a magaspang ding tau karin at makalukluk king abu antimong tanda ning karelang pamanisi!