Jonas 3:5 - Ing Mayap a Balita Biblia

⁵ Meniwala la ding memalen na ning Nineve king mensahi ning Dios. Inya pikayari da king mag-ayunu ya ing balang metung magumpisa king pekamaragul angga king malating dili, misulud lang imalan a magaspang ban ipakit da king sinisi la king depat dang pamikasala.

Jonas 3:5 Iomraidhean Croise

2 Ari 19:1

Inyang dimdam nang Aring Hezekia ing ulat da, ginabak na ing susulud nang imalan uli na ning lungkut na, at kaybat misulud yang sakung imalan at minta ya king Templo na ning Ginu.

2 Cronica 20:3

Mitakutan ya i Jeosafat, inya inari na king lub na ing maniawad yang saup king Ginu at inutus na ing mika pamag-ayunu karing sablang memalen ning kayarian.

Ezra 8:21

Karin king lele ning Ilug ning Ahava inutus ku ing mag-ayunu ke ngan at magpakumbaba arapan na ning kekaming Dios, at aduan ing panimunan na kami king pamaglakbe at pagdipensa na kami ampon ding anak mi at ing sablang pibandian mi.

Ester 4:1

Inyang abalitan nang Mordecai ing sablang milyari, ginabak na ing imalan na uli na ning lungkut na. Kaybat misulud yang imalan a magaspang at mibili yang abu king buntuk na at miglakad king siudad. Manangis yang masikan at king mitmung kapait-paitan

Exodo 33:6

Inya manibat na kanitang meko la king Bunduk ning Sinai e na la misulud pang nanumang alahas ding memalen na ning Israel.

Jeremias 31:34

Ala na metung man kanita ing ituru ne ing kabalen na ban pakibaluan ne ing Ginu uling ding sabla abalu ra ku, manibat king malating dili at angga na king maragul dili. Patawaran ku ing karelang kasalanan at kalinguan ku ing karelang kasalanan. Aku, ing Ginu, ing migsalita.

Jeremias 36:9

King kasiam nang bulan ning kalimang banuang pamag-ari nang Jeoiakim king Juda, pigselebran da ring tau ing pamag-ayunu ban tanggapan da ing mayap nang pilubluban ning Ginu. Pigselebran de iting pamag-ayunu ding sablang manuknangan king Jerusalem, at ding dinatang ibat karing balen ning Juda.

Jeremias 42:1

Kanita ding sablang manimuna da ring sundalus pati na i Joanan a anak nang Karea at i Azaria a anak nang Nesaias, dinatang lang kayabe da ring miyayaliwang tau.

Jeremias 42:8

Inya inaus ke i Joanan, ding sablang manimuna da ring sundalus, at ding aliwang tau.

Daniel 9:3

At taimtim kung menalangin king Ginung Dios; menalangin ku king Dios, mig-ayunu, misulud imalan a magaspang, at linukluk ku king abu.

Joel 1:14

Iyutus yu ing pamag-ayunu, maus kayung kapulungan! Pamuntuk kekayu lang tipunan pati ding sablang king Juda manuknangan; at kilub ning Templo maus kayu king kekong Dios!

Jonas 3:7

Pepalual yang metung a kapabaluan karing memalen na ning Nineve. Ngana, Iti kautusan yang ibat king ari at karing pamuntuk na: Alang mamangan metung man kekayu; makabawal karing sabla: tau, baka, at tupa ing mangan la at minum.

Mateo 12:41

King Aldo ning Pamanukum, talakad la ding tau Nineve at pamarsalanan da kayu, uling ginulut la karing kasalanan da inyang dimdam deng menaral i Jonas. Sasabian ku kekayu, keti ating metung a maygit pa kang Jonas!

Lucas 11:32

King Aldo ning Pamanukum talakad la ding tau Nineve at pamarsalanan da kayu, uling inyang dimdam deng menaral i Jonas ginulut la karing karelang kasalanan. At sasabian kung matni kekayu: maygit yang e palak kang Jonas ing atyu ngeni keti!

Ding Dapat 27:25

Uli na niti, e yu painan ing lub yu! Uling maragul ku pamagtiwala king Dios at asahan kung matupad ing sabla antimo ing sinabi na kanaku.

Ding Dapat 8:10

at ding sablang tau king siudad a ita, kalulu at masalapi, megaral at ali, tutu na lang ikua kapaniwalan. Ngarang sasabi, Ya ing Maragul nang Upaya ning Dios.

Hebreo 11:1

Ing kasalpantayanan ya ing batayan karing bage a kekatamung panenayan, at ing katibayan para karing bage a e tamu akakit.

Hebreo 11:7

Ing kasalpantayanan munaman ing mekayagkat kang Noe ban makiramdam ya king babala na ning Dios tungkul karing bage a mapalyari king aldo bukas a e na pa ikit Noe. Pemintuan ne ing Dios at ginawa yang metung a barku a mekapagligtas keya at king pamilya na. King kapamilatan na ning kasalpantayanan nang Noe pepalto nang makasalanan ya ing yatu, at ya naman mebilang ya karing taung katanggap-tanggap bilang ablas na ning kasalpantayanan na.

Kapahayagan 11:3

Parala ku la ding adua kung testigu a makaimalan magaspang, at kilub ding libu aduang dalan at anam a pulung aldo ipanaral da ing amanu na ning Dios.