Jonas 3:4 - Ing Mayap a Balita Biblia

⁴ Melaus neng miglakad kilub ning siudad. Kaybat nang mekalakad metung a aldo nganang migsalitang masikan, Kilub ding apat apulung aldo malasak ya ing Nineve!

Jonas 3:4 Iomraidhean Croise

2 Ari 20:1

Kanita mu ring panaun a ita, mesakit ya i Aring Hezekia at digsu nia mete. Delawan neng propeta Isaias a anak nang Amoz at ngana, Sasabian na keka ning Ginu king ayusan mu na ing heganagana, uling e na ka kumayap. Isadia mu na ing sarili mu king kamatayan.

2 Ari 20:6

Paintulutan da ka pang mie kilub ding labing limang banua. Iligtas da ka at ing siudad ning Jerusalem king ari na ning Asiria. Isundu ku ing pamagdipensa king siudad alang-alang king sarili kung dangalan at uli na ning pangaku a binie ku king talasuyu kung i David.

Isaias 30:18

Makanyan man manenaya yang maging malam a lub kekayu ing Ginu. Makasadia yang malunus kekayu uling parati yang darapat king matulid. Mapalad la detang manalig king Ginu.

Jeremias 42:10

Nung bisa kayung manatiling manuknangan keting bansa, italakad da kayu at e lasakan. Itanam da kayu at e bagutan. Ing dela kung kasiran kekayu minie maragul a lungkut kanaku.

Jonas 3:10

Ikit na ning Dios ing depatan da ring tau; ikit na king likuan da na ing dapat dang e mayap. Inya binayu na ning Dios ing banta na, at e na na belaus ing sinabi nang parusan na la.

Mateo 12:41

King Aldo ning Pamanukum, talakad la ding tau Nineve at pamarsalanan da kayu, uling ginulut la karing kasalanan da inyang dimdam deng menaral i Jonas. Sasabian ku kekayu, keti ating metung a maygit pa kang Jonas!

Lucas 11:30

Nung makananu yang meging tanda i Jonas karing tau Nineve, makanyan ya namang maging tanda ing Anak ning Tau para karing tau king kasalukuyan.

Lucas 11:32

King Aldo ning Pamanukum talakad la ding tau Nineve at pamarsalanan da kayu, uling inyang dimdam deng menaral i Jonas ginulut la karing karelang kasalanan. At sasabian kung matni kekayu: maygit yang e palak kang Jonas ing atyu ngeni keti!

Deuteronomio 18:22

Oyni ing pakibat, Nung e mepalyari o e mipaltutu ing sinabi na ning propeta king lagyu na ning Ginu, iti e ibat king Ginu. King sarili na mu ibat. Inya e ye sukat pakiramdaman ing propetang makanyan.