Jonas 3:2 - Ing Mayap a Balita Biblia

² Ngana, Jonas, munta ka Nineve, ing mayupayang siudad, at sabian mu karing tau karin ing mensahing binie ku keka.

Jonas 3:2 Iomraidhean Croise

Ester 9:31

at king sukat da lang pagselebran ding aldo ning Purim king mitakdang panaun, antimo ing penabilin na karelang Mordecai at ning Reyna Ester. Mayayawad munaman karela at karing maging lahi ra ing mag-ayunu la at manangis.

Exodo 4:28

Sinabi na ngan Moises kang Aaron ing sablang sinabi na ning Ginu inyang sinabi nang magbalik ne Ehipto. Sinabi na la namang Moises kang Aaron detang bage pagmumulalan a parapat ning Ginu.

Jeremias 1:17

E mu painan ing lub mu; munta ka at sabian mu la karela ding sablang bage inutus kung sabian mu. E ka tatakut karela; nung mitakutan ka ngeni karela lalu da kang pamatakutan potang atyu na ka karela.

Jeremias 1:7

Oneng ngana kanaku ning Ginu, E mu sasabian king anak ka pa mu, bagkus munta ka karing tau nung nu ra ka itubud at sabian mu karela ing sablang bage a iyutus kung sabian mu.

Ezekiel 2:7

Sabian mu karela ing nanumang sabian ku keka, makiramdam la man o ali la. E mu kakalinguan king mapaglaban la.

Ezekiel 3:17

Ngana, Anak ning tau, gagawan da kang bante para king Israel. Ipayabut mu la karing memalen ding babala a babie ku keka.

Jonas 1:2

Ngana, Munta ka Nineve at magsalita kang laban keting mayupayang siudad uling e makalihim kanaku ing e mayap dang daraptan ding memalen na.

Jonas 3:1

Migsalita yang pasibayu ing Ginu kang Jonas.

Jonas 3:3

Inya memintu ya king Ginu i Jonas at minta ya Nineve, ing siudad a king dagul na mangailangan atlung aldo para lakaran uli na ning maragul ya.

Mateo 3:8

Nung tune kayung sisisi karing kasalanan yu, ipakilala yu king pamagbayu yung bie.

Juan 5:14

Kaybat na niti, atagpuan neng Jesus king Templo at sinabi na keya, Lawan mu, mayap na ka! E na ka mikakasalang pasibayu magkang lalu pang marawak ing dugpa keka.