Jonas 2:9 - Ing Mayap a Balita Biblia

⁹ Oneng aku magkanta kung kapurian keka; dinan da kang ain-sakripisyu, at tupad king keka pengaku ku. Ing kaligtasan manibatan king Ginu!

Jonas 2:9 Iomraidhean Croise

Genesis 35:3

Kaybat mako tamu at munta karin Betel. Karin gawa kung altar para king Dios a sinaup kanaku inyang maliligalig ku at parating matnube kanaku nukarin ku man munta.

2 Samuel 15:7

Kalabas da ring apat a banua nganang Absalom king ari a tata na, Paintulutan yu ku sanang munta Hebron ban atuparan ku ing panata ku king Ginu.

Job 22:27

Potang manalangin ka pakiramdaman na, at tuparan mu lang pangaku a binie mu.

Ding Dalit 107:22

Kailangan lang munie ain-a-kapasalamatan, at matula da lang ikanta sabla nang depatan!

Ding Dalit 27:1

Ing Ginu ya ing kakung sulu at kaligtasan, ninu ing kakung pitakutan? King panganib ing Ginu ingatan na ku, ninu ing pitakutan ku?

Ding Dalit 3:8

King Ginu manibatan ing kaligtasan; keka ya sanang bendisyunan ing kekang balen.

Ding Dalit 50:14

Ing sukat king Dios a kekang iyain ya ing kapasalamatan, at kekang pangaku king Kakataskatasan kekang tuparan.

Ding Dalit 50:23

Ing ninumang miyayain ain-a-kapasalamatan aku ing parangalan na; ing ninumang mabibieng makatuliran kaku tanggap yang kaligtasan.

Ding Dalit 68:20

Ing kekatamung Dios, Dios yang magligtas! Ya ing Ginu a Ginu tamu, at king kamatayan liligtas na katamu.

Ding Dalit 95:2

Lumapit tamu king Ginu a ating kapasalamatan; masaya tamung magkantang kapurian.

Isaias 45:17

Oneng linigtas ne ning Ginu ing Israel; ing tagumpe na manatili kapilan man; e na la mibili ding memalen na king alang dangalan.

Jeremias 33:11

ing kulisakan ning ligaya at tula ampon ding masayang inge da ring kakasal. Damdaman yu la ding taung magkanta kabang darala da la ring ain dang kapasalamatan king kakung Templo. Sabian da, Munie kayung kapasalamatan king Ginung Mayupaya, uling mayap ya, at ing lugud na alang angga. Gawan keng mapala iting bansa anti kanitang minunang panaun. Aku, ing Ginu, ing migsalita.

Hosea 14:2

Mibalik na kayu at sabian ye king Ginu iting panalangin: Patawaran mu sana ing sabla ming kasalanan; tanggapan mu sana ing panalangin mi at samban da ka antimo ing pengaku mi.

Juan 4:22

Ikayung Samaritano e yu talagang balu nung ninu ing sasamban yu. Ikaming Judio balu mi nung ninu ing sasamban mi, uling ing kaligtasan manibatan karing Judio.

Ding Dapat 4:12

Bukud mung kang Jesus mayakit ing kaligtasan uling karing sablang lagyung binie na ning Dios karing tau keti king yatu, bukud mung king lagyung yan karin tamu malyaring miligtas.

Roma 12:1

Inya, kapatad ku, king uli na ning maragul nang lunus ning Dios kekatamu, ipakisabi kung mayap kekayu: samban ye king kapamilatan na ning pamiyain yu karing kekayung katawan bilang mabie at banal a ain, tune babie tula king Dios. Iti ya ing tune kapanyamban a kailangan yung iyain keya.

Deuteronomio 23:18

e la malyaring idala kilub ning Templo ding salaping panakitan na bilang ain king penata na, uling pikakasaman na la ning Ginung kekayung Dios ding taung anti kareti.

Hebreo 13:15

Inya king kapamilatan nang Jesus, miyain tamung alang anggang ain-sakripisyu ning kapurian king Dios. Ngana wari, pasalamat tamung alang patad king lagyu na king kapamilatan da ring amanung sasabian tamu.

Kapahayagan 7:10

Ngarang agnan-agnan migsalitang masikan, Ing kekaming pangaligtas ibat king Dios a makalukluk king tronu at king Kordero!

1 Samuel 12:21

E yu la sisikasuan ding bage alang ulaga uling ala kayung nabangnan kareti at e la makapagligtas pablasang ala lang ulaga.