Jonas 2:8 - Ing Mayap a Balita Biblia

⁸ Detang sasamba karing idolong alang kabaldugan, gilutan da ing katapatan da keka.

Jonas 2:8 Iomraidhean Croise

2 Ari 17:15

E ra la pinsinan ding kautusan na, e la tinupad king kasunduan a gewa na karing karelang makatua, at migmaklak-maklakan la karing babalang binie na. Sinamba la karing alang kabaldugan a idolo, inya meging ala lang kabaldugan. Mekiapus la karing e mayap dang kaugalian ding bansang makapatulug karela agyang binawal na la ning Ginu.

Ding Dalit 142:4

Potang lumawe ku siping ku, ala kung akakit makasadiang sumaup kaku; ala metung mang magdipensa kaku. Ala na metung mang magmalasakit kaku.

Ding Dalit 31:6

Keka lang pikakasaman ding sasambang e tutung dios, oneng ika, Ginu, ing kakung panaligan.

Ding Dalit 69:14

Iligtas mu ku at sagipan king burak, at king danum a malalam; karing kakung kalaban sagipan mu ku naman.

Jeremias 10:8

Bolang la ngan at mangmang. Nanung abalu ra karing idolong dutung?

Jeremias 16:19

Ginu, ika ing mimingat at babie sikanan kanaku; sasaupan mu ku king oras ning kaligaligan. Datang la keka ding bansang ibat karing miyayaliwang suluk na ning yatu at sabian da, Ala lang pibandian ding makatua mi nune mu ding dios a e tutu; ala nune mu ding alang silbing idolo.

Jeremias 2:13

uling ding taung pinili ku dinapat lang aduang pamikasala; ginulut la kaku, ing sibul ning malinis a danum, at ginawa lang pilulanan a e mu adatukanan danum.

Mikeas 1:2

Ikong sablang bansa, pakiramdaman yu iti; makiramdam kayu ikong manuknangan keti king yatu! Magtestigu yang laban kekayu ing Ginung Dios. Makiramdam kayu! Oyan magsalita ya karin king templo na banua.

1 Samuel 12:21

E yu la sisikasuan ding bage alang ulaga uling ala kayung nabangnan kareti at e la makapagligtas pablasang ala lang ulaga.