Jonas 2:7 - Ing Mayap a Balita Biblia

⁷ Inyang mengalambut na ku, menalangin ku keka, O Ginu, at king banal mung Templo dimdam mu ku.

Jonas 2:7 Iomraidhean Croise

2 Cronica 30:27

Gimpanan da ring pari at ding Levita ing katungkulan da, at binendisyunan da la ring tau. Ing karelang bosis at panalangin meramdam king banua, ing banal a tuknangan ning Dios.

Ding Dalit 11:4

Ing Ginu atyu ya king banal a Templo na, ing tronu na atyu karin banua; mata na king yatu makalawe la, miraras karing sablang tau ing pamaglalawe na.

Ding Dalit 142:3

Potang lumapit na kung sumuku balu na ing kailangan kung daptan. Ding kalaban ku inumang de ing silu para kaku king gasgas a daralanan ku.

Ding Dalit 143:5

Gaganakan ku la ding aldo milabas; gaganakan ku ing sablang kekang depat, isip-isipan ku ing sablang gewa mu.

Ding Dalit 18:6

Kaniting gipit kung kabilian, ing Ginu ya ing kakung inaus; king Templo na kakung bosis dimdam na, kakung saingsing miras king panamdam na.

Ding Dalit 20:7

Manalig lang aliwang tau karing karung panggera o karing kabayu da; ikami manalig ke king lagyu ning Ginu.

Ding Dalit 22:14

Ing sikanan ku mebating; ing kalupa na danum a mitugtug king gabun; mengalisia-lisia la sablang kakung butul. Pusu ku anti yang kandila; kilub ning kakung salu malalaso ya.

Ding Dalit 27:13

Iti ya ing paniwalan ku: takman ku ing kayapan ning Ginu keting kasalukuyan a panaun.

Ding Dalit 42:11

Obat malungkut ku? Obat manamdaman ku? Ing Dios ya ing panaligan ku, uling pasibayu keng pasalamatan; ya ing kakung talasaup at Dios ku.

Ding Dalit 42:5

Ba't malungkut ku? Ba't ala kung kapanatagan a lub? Ing Dios ya'ng kakung panaligan; pasibayu ibie ku king Ginu ing kapurian; ing kakung Dios a babie kasaupan.

Ding Dalit 43:5

Ba't malungkut ku? Ba't manamdaman ku? Ing Dios ya'ng panaligan ku; uling pasibayu ibie ku ing kapurian king Ginu. Ya ing talasaup ku at Dios ku.

Ding Dalit 65:4

Kaligaya na ning taung kekang pipilinan, at king kekang santuaryu karin me patuknangan. Lubus keng ligaya kilub ning kekang tuknangan; karing bendisyun ning Templo mung banal.

Isaias 38:17

Ing peitan ning bie ku miyalilan kapayapan. Liligtas me ing bie ku king sablang panganib; patawaran mung kakung kasalanan.

Isaias 50:10

Ikong sablang ating takut king Ginu, at mamintu karing amanu ning keyang talasuyu, mapalyaring ing dalan a kekong daralanan tune yang madalumdum, makanyan man king Ginu yu ibili ing kekong kapanaligan; magtiwala kayu king kekong Dios.

Jonas 2:4

Bala ku mewala na ku king arapan mu, at kapilan man e ku ne akit ing banal mung Templo.

Mikeas 1:2

Ikong sablang bansa, pakiramdaman yu iti; makiramdam kayu ikong manuknangan keti king yatu! Magtestigu yang laban kekayu ing Ginung Dios. Makiramdam kayu! Oyan magsalita ya karin king templo na banua.

Habakuk 2:20

Ing Ginu atyu king banal nang Templo: paburen yung ing balang tau keti king yatu magtahimik ya king arapan na. mik ya king arapan na.

Hebreo 12:3

Isipan yu na mu itang delanan na nung makananu nang pibata ing pamaglaban da ring taung makasalanan! Inya e yu painan ing lub yu at e kayu tutuknang.

1 Samuel 30:6

Meligalig yang e mu nanu i David; buri deng pamasibasan batu ding tauan na uling tutu rang penamdaman ing pangabihag da ring karelang anak a lalaki at babai. Oneng pesiknangan ne ning Ginung Dios na.