Jonas 2:6 - Ing Mayap a Balita Biblia

⁶ Miras ku king lalam da ring bunduk, king lugal a pakasara pasbul king kapilan pa man. Oneng ika, O Ginung kakung Dios, segipan mu ku ibat king malalam.

Jonas 2:6 Iomraidhean Croise

Job 33:24

King lunus na ing anghel nganang sumabi, Ilako ye! E ne mabaldug pa king tuknangan da ring mete. Oyni ing panatbus.

Job 33:28

Sebat na ing pangabaldug ku king tuknangan da ring mete, at angga ngeni atin kung bie.

Ding Dalit 104:6

King dagat karin me belabalan, at ding bunduk limbug la king danuman.

Ding Dalit 104:8

Minagus pababa karing bunduk, at miras karing kapatagan, king lugal a sidia mu.

Ding Dalit 116:3

Inyang atyu ku king panganib, at malapit na king kutkutan, mikatmuan kung takut ampon kagutgutan.

Ding Dalit 143:7

Mamalagua kang makibat kaku, O Ginu! Mepupus na ing sabla kung kapanayan. E me sasalikut ing sarili mu kaku, nung ali kayabe ku karetang manabu king tuknangan da ring mete.

Ding Dalit 16:10

E mu paintulut ing miras ku king tuknangan da ring mete ni e mu itulut king ing kekang kakaluguran dungdungan ne ing kutkutan.

Ding Dalit 18:5

Miras ku king bingit ning kamatayan; atyu na ku king oras ning kawakasan.

Ding Dalit 30:3

O Ginu, linigtas me ing bie ku king kamatayan, e mu ku inabe karing padulung na king kutkutan.

Ding Dalit 30:9

Nanu ing apala mu nung mate ku, nung wari't king aun kuldas ku? Apurian da ka kaya ding mete o asabi ing kekang kayapan?

Ding Dalit 55:23

O Dios, keka yang kuanan bie da ring makamate tau, at mapaglinlang; e ra na akuang tumua man, oneng aku, Ginu, ika ing kakung panaligan.

Ding Dalit 65:6

King kekang sikanan keka lang telakad ding kabundukan; makanyan mung papakit ing maragul mung kayupayan.

Ding Dalit 69:2

Lalbug na ku kening malalam a burak; ala na kung apitukluan mang masias; atyu na ku king dake a malalam, at halus ilumud da na ku ding alun a maragul.

Isaias 38:10

Bala ku lungub na ku king tuknangan ding mete, at e na ku mibawi agyang atyu ku pa king kalibudtan ning bie.

Isaias 38:17

Ing peitan ning bie ku miyalilan kapayapan. Liligtas me ing bie ku king sablang panganib; patawaran mung kakung kasalanan.

Isaias 40:12

Ating makatakal king danum ning dagat karing palad na? O ating makasukad king banua kapamilatan ding gamat na? Ating makalulan king gabun ning yatu king metung a tasa? O ating makatimbang at makasukad karing bunduk at bunduk-bundukan?

Ezekiel 26:20

Padulungan da ka king kalalalaman na ning kutkutan da ring mete ban akayabe mu la ding taung mebie kanitang minunang panaun. Ketang kalalalaman a kulkul a ita karin da ka papanatilian libutad na ning alang anggang kasiran, kayabe da ring mete. Bilang bunga na niti, e ra na ka kapilan man panuknanganan pa ding tau at ala nang kuma king lugal mu king lugal da ring mabie.

Ezekiel 31:14

Inya manibat na ngeni ala nang tanaman, nu ya man anti pangasese king danum, a dagul pang matas o miras karing biga at maging matas a matas. Mitakda na ing kamatayan da antimong tune tau, at mitalaga na lang makiabe karetang pupunta king kutkutan da ring mete.

Habakuk 3:10

Inyang ding bunduk ikit da ka, ginalgal la; danum mibulus ibat banua. Ing danum lalam ning yatu mekimut, at ding karelang alun mitas lang e mu nanu.

Habakuk 3:6

Potang tuknang ya, yatu mamayun ya; at potang maglalawe ya, bansa gagalgal la. Ding alang anggang kabundukan misalbag la ngan; ding alang kapupusan a bunduk-bundukan lalbug la, ding bunduk-bundukan a delanan na kanitang minunang panaun.

Mateo 16:18

At aku sasabian ku keka, ika i Pedro at babo na niting batu italakad ke ing iglesia ku. At e re sambutan ding pasbul ning impierno.

Deuteronomio 32:22

Ing mua ku maging anti king api a milalablab, at silaban na pati ing kalalalaman ning Sheol, ing yatu at ing makatanam laklakan na at pati pundasyun ding bunduk ipatag na.