Jonas 2:2 - Ing Mayap a Balita Biblia

² King kakung kagipitan, O Ginu, minaus ku keka, at pekibatan mu ku. Ibat king kalalaman ning tuknangan ding mete minaus kung pasaup keka, at pekiramdaman mu ku.

Jonas 2:2 Iomraidhean Croise

2 Cronica 33:12

Uli na ning kasakitan a delanan na, migpakumbaba ya at minaus king Ginu, ing Dios da ring makatua na.

Ding Dalit 116:3

Inyang atyu ku king panganib, at malapit na king kutkutan, mikatmuan kung takut ampon kagutgutan.

Ding Dalit 120:1

Inyang magugulu ku, minaus ku king Ginu at pekibatan na ku.

Ding Dalit 16:10

E mu paintulut ing miras ku king tuknangan da ring mete ni e mu itulut king ing kekang kakaluguran dungdungan ne ing kutkutan.

Ding Dalit 22:24

Uling ala yang inumis ni pepaburen ninumang pakakalulung atyu king kagipitan; kabud karela yang ausan agad na lang pakibatan.

Ding Dalit 34:6

Ing taung maliligalig king Ginu minaus ya, at pekiramdaman ne; linigtas ne king sabla nang dusa.

Ding Dalit 4:1

Pakibatan mu ku sana, O Dios a makatuliran, neng mamaus ku keka; king kaligaligan liligtas mu ku; lunusan mu ku at pakibatan dalangin ku.

Ding Dalit 61:2

Kening lugal nung nu ku miyugse ika ing kakung ausan, uling malungkut ya ing kakung pusu. Iligtas mu ku at ingatan.

Ding Dalit 65:2

uling kekeng dalangin kekang pakibatan, inya ding sablang makasalanan ika ing karelang lapitan.

Ding Dalit 86:13

Tutung maragul ing alang kupas a lugud mu kaku; king malalam a kutkutan linigtas mu ku.

Isaias 14:9

Magsadia ya ing tuknangan da ring mete ban salubungan ne ing ari na ning Babilonia. Mililingat na la ding kaladua da ring meging mayupaya keti king yatu. Mibabangun la ding kaladua da ring aring ibat karing karelang tronu.

Ding Tagulele 3:55

Ibat king kalalaman ning kulkul, O Ginu, minaus ku keka.

Ezekiel 26:20

Padulungan da ka king kalalalaman na ning kutkutan da ring mete ban akayabe mu la ding taung mebie kanitang minunang panaun. Ketang kalalalaman a kulkul a ita karin da ka papanatilian libutad na ning alang anggang kasiran, kayabe da ring mete. Bilang bunga na niti, e ra na ka kapilan man panuknanganan pa ding tau at ala nang kuma king lugal mu king lugal da ring mabie.

Ezekiel 31:14

Inya manibat na ngeni ala nang tanaman, nu ya man anti pangasese king danum, a dagul pang matas o miras karing biga at maging matas a matas. Mitakda na ing kamatayan da antimong tune tau, at mitalaga na lang makiabe karetang pupunta king kutkutan da ring mete.

Mateo 12:40

Nung makananung i Jonas menatili yang atlung aldo at atlung bengi king atian na ning maragul a asan, makanyan ya namang manatiling atlung aldo ampon atlung bengi ing Anak ning Tau king lalam ning gabun.

Lucas 11:10

Uling ing balang maniawad miririnan ya; ing balang manintun manakit ya, at ing balang tutuktuk mibuklatanan ya.

Lucas 22:44

Uli na ning mabayat a panamdam na, lalu yang menalangin taimtim; tutulu ing pawas na a mengaring dayang papatak king gabun.]

Ding Dapat 2:27

uling e me lakuan ing kaladua ku, at e me paburen king tuknangan da ring mete ni e mu paintulut king ining kekang Banal takman yang kasiran.

Hebreo 5:7

King kekaban na ning bie na king yatu, miyain yang panalangin i Jesus at menigapu yang masikan at menangis arap ning Dios a makapagligtas king kamatayan na. Uli na ning migpakumbaba ya at memintu, pekiramdaman ne ning Dios.

1 Samuel 1:16

E yu sa isipan ing ala kung kwentang babai; bubugnus ku mu king Ginu ing sakit ning lub ku.

1 Samuel 30:6

Meligalig yang e mu nanu i David; buri deng pamasibasan batu ding tauan na uling tutu rang penamdaman ing pangabihag da ring karelang anak a lalaki at babai. Oneng pesiknangan ne ning Ginung Dios na.