Jonas 1:9 - Ing Mayap a Balita Biblia

⁹ Nganang mekibat Jonas, Metung kung Hebreo. Sasamban ke ing Ginu, ing Dios ning banua at linalang king yatu at king dagat.

Jonas 1:9 Iomraidhean Croise

Genesis 1:10

Inaus neng Yatu ning Dios ing gabun, at ing danum a mitipun inaus neng Dagat. Ikit na ning Dios king ita mayap.

Genesis 14:13

Oneng dinatang ya ing metung a mekatakas at belita na kang Abram a Hebreo a manuknangan lele na ning sagradung tanaman ning Mamre, ing Amoreo at kamaganak da ri Escol at Aner. Kakampi na lang Abram deting adua.

Genesis 24:7

Ing Ginu, ing Dios ning banua at yatu, leko na ku king bale nang tata ku at king gabun na ning kanakung pamilya at pengaku na kanaku king ibie ne ing gabun a iti karing maging lahi ku. Parala neng makauna keka ing anghel na ban saupan na kang manakit ayasawa na ning anak ku karin.

Genesis 39:14

peniaus na la ning babai ding ipus na at ngana karela, Pigdala na katamung metung a Hebreo ning asawa ku ban lapastangan kekatamu. Liban na ku ba yang sumiping kanaku, oneng mengulisak ku.

2 Ari 17:25

E la sinamba king Ginu inyang megumpisa na lang manuknangan karin. Inya mitubud yang leon ing Ginu at pete da la ring mapilan a tau.

2 Ari 17:28

Inya menuknangan ya king Betel ing metung karing Israelitang paring mebihag at tiru na la ding tau nung makananu reng samban ing Ginu.

Ezra 1:2

Aku i Ciro, ing Ari ning Persia, pabalu ku: Ing Ginu, ing Dios ning banua, ya ing minie kanaku karing sablang kayarian keti king yatu at inutus na kanaku ing mitalakad kung Templo karin king Jerusalem ning Juda.

Ezra 5:11

Oneng ing pakibat da pu anti ya kaniti: Talasuyu na kami ning Dios ning banua at yatu, at tatalakad mi yang pasibayu ing Templo na king sadia nang lugal nung nu ne pepatalakad karing dakal nang banuang milabas ning mayupayang ari ning Israel.

Nehemias 1:4

Linukluk ku at kiniak inyang dimdam ku iti. Melungkut ku at e ku mengan kilub ding mapilan a aldo. Menalangin ku king Dios.

Nehemias 2:4

Ngana ning ari, Atin kang buring aduan kanako? Menalangin ku king Dios ning Banua,

Nehemias 9:6

Kanita miyabe-abe reng sinabi iting manalangin: Bukud mung ika Ginu, ing Ginu; ika ing linalang king meto sikluban at karing batuin. Ika ing linalang king yatu, king dagat, at karing karela manuknangan; ika ing minie bie karela. Ding sablang upaya king banua duruku la at sasamba keka.

Job 1:9

Pekibat nang Satanas, Samban na ka mo kayang Job nung alang sangkan king pamanyamba na?

Ding Dalit 136:26

Pasalamat kayu king Dios ning banua; uling ing lugud na alang angga.

Exodo 1:15

Misan a aldo, pekisabian na la ning ari na ning Ehipto di Sipra at Pua, ding aduang ilut a papanganak karing babaing Hebreo.

Exodo 2:13

Kabukasan migbalik ya i Moises at ikit na lang mipapate ding aduang Hebreo. Nganang Moises king maki kasalanan, Obat bubuatanan meng gamat ing kalupa mung Hebreo?

Daniel 2:44

King kapanaunan da ring pamuntuk a reta, mitatag yang metung a kayarian a alang kapupusan ing Dios ning banua. E ya malyaring masambut iti, nune lubus na lang lasakan ding kayarian at kaybat na nita, manatili ya kapilan man.

Hosea 3:5

Oneng datang ing panaun at pasibayu lang magbalik king Ginung karelang Dios at king metung a lahi nang David a karelang ari. Potang datang ne ing aldong ita, mika takut la king Ginu at tanggapan da ing kayapan na.

Ding Dapat 14:15

Kakaluguran, e yu daraptan yan! Tau kami mung kalupa yu! Dinatang kami keti ba ming iyatad ing Mayap a Balita ban painggulut kayu karetang alang kwentang bage, at magbalik kayu lub king Dios a mabie a mengawa king banua, king yatu, king dagat, at king sablang atyu kareti.

Ding Dapat 27:23

Uling nabengi detangan na ku ning metung a anghel na ning Dios a sasakup kanaku at sasamban ku,

Filipos 3:5

Mesirkunsisyun ku inyang paruminggu ku pa mung makabait. Penganak da kung Israelita king tribu nang Benjamin, metung kung tune Hebreo. Nung ing pamanupad king Kautusan ya naman ing pisasabian, metung kung sadiang Pariseo.

Kapahayagan 11:13

Minayun masikan king oras a ita at melasak ya ing kapulung dake na ning siudad, at pitu lang libu ding mete king ayun. Mitakutan la ding taung mitagan at pinuri da ing degulan na ning Dios ning banua.

Kapahayagan 15:4

Ninu ing e tumakut keka, O Ginu? Ninu ing e munie kapurian king kekang lagyu? Uling ika mung bukud ing banal! Lumapit la at samba keka ding sablang bansa, uling ikit da la ring matulid mung dapat.

Kapahayagan 16:11

at piniumpa re ing Dios uli na ning daralanan dang kasakitan at uli da ring sugat da. Makanyan man e la sinisi at e la ginulut king e mayap dang dapat.