Jonas 1:6 - Ing Mayap a Balita Biblia

⁶ Ikit ne ning kapitan ning barku at ngana kang Jonas, Obat atyu ka ken at matudtud? Talakad ka at maniawad kang saup king kekang dios; magkang malunus ya kekatamu at iligtas na katamu.

Jonas 1:6 Iomraidhean Croise

2 Samuel 12:22

Wa, nganang David, mig-ayunu ku kanita at menangis ku inyang mabie ya ing anak. Atyu kanita king lub ku ing malunus ya kanaku ing Ginu at e na paintulut ing mate ya ing anak ku.

Ester 4:16

Sulung, tipunan mu la ngan ding sablang Judio king Susa, at mag-ayunu kayu para kanaku. E kayu mamangan o miminum kilub ding atlung aldo at bengi. Aku at ding damas ku mag-ayunu kami munaman. Kaybat, lapitan ke ing ari agyang iti labag king kautusan. E bala ing mate ku, nung iti ing kailangan.

Ding Dalit 107:6

Kanita minaus la king Ginu, uli ning kasakitan a karelang daralanan, at linigtas na la king gipit dang kabilian.

Ding Dalit 78:34

Inyang atin neng paten karela ding aliwa kanita king Dios linapit la; migbalik la lub at taimtim sinisi la.

Isaias 3:15

Ala kayung matulid damusak karing kanakung memalen at magsamantala karing pakakalulu. Aku, ing Ginung Dios a Mayupaya, ing migsalita.

Ezekiel 18:2

Ngana, Nanu ya iting kasebian a ulit-ulitan dang sasabian ding tau king balen ning Israel? Pengan da la ring pengari ding maslam a ubas, oneng ding meliniu ipan ila ding anak.

Joel 2:11

Kakabling la ding utus ning Ginu karing e abilang-bilang nang sundalus; ding sundalus a mamintu king Ginu; tune dakal la at masikan lang tutu. Makapangilabut ya ing aldo ning Ginu! Ninu kaya ing miligtas kaniti?

Amos 5:15

Pikasaman yu ing e mayap at luguran yu ing mayap, at pagsikapan yung mag-ari ing hustisia karing husgadu. Palamang-lamang malunus ya ing Ginu karing mitagan a memalen na ning bansang iti.

Jonas 3:8

Sukat lang misulud imalan a magaspang ding sablang tau at animal. Sukat yang manalangin taimtim ing balang metung king Dios, at sukat nang gulutan ing ugali nang e mayap at ing e ustung daraptan na.

Jonas 3:9

Mapalyaring alilan na ning Dios ing banta na; mapalyaring e ne mimua kekatamu at e tamu malaus mate!

Ding Dapat 21:13

Oneng nganang mekibat, Ba, baket tatangis kayung makanyan? Buri yu kung masira lub? E mu ing makasadia kung igapus da Jerusalem, agyang mate karin makasadia ku alang-alang king Ginung Jesus.

Roma 13:11

Kailangan yung daptan iti uling balu yu king miras na ing oras: kailangan ing migising na kayu ngeni; ing kaligtasan tamu mas malapit ngeni kesa kanitang megumpisa tamung sinalpantaya.

Efeso 5:14

at ing sablang mipamalino maging masala. Inya masasabi, Migising ka, ikang matudtud, talakad kang ibat karing mete! At aslagan na kang Cristo.