Jonas 1:5 - Ing Mayap a Balita Biblia

⁵ Mitakutan la ding marino at kinulisak lang maniawad saklolu karing sarasarili dang dios. Ban mabawas ing panganib, inugse ra king dagat ing kargang makasake king barku. Samantalang malilyari iti, minta ya i Jonas king kakilubkiluban na ning barku at karin ya metudtud maniaman.

Jonas 1:5 Iomraidhean Croise

1 Ari 18:26

Kinua re ing torong miyabie karela; sidia re iti, at kaybat menalangin la kang Baal manibat king abak angga na itang kaugtuan aldo. Ngara, Pakibatan mu kami, O Baal!, at terak-terak la king paligid na ning altar a gewa ra. Oneng ala lang tinggap a pakibat.

Job 2:4

Pekibat nang Satanas, Ibie na ngan ing heganaganang atyu king tau ba yang e mate.

Ding Dalit 107:25

King amanu na tiniup ing angin a masikan, at meragul la ding alun ning dagat.

Ding Dalit 148:8

ikong kildap at uran-lipat, yelu at biga, at masikan a angin a mamintu king utus na.

Ecclesiastes 3:6

Ating panaun ning pamanintun, at ating panaun ning pamamating; ating panaun ning pamanipun, at ating panaun ning pamanugse.

Isaias 45:20

Ngana ning Ginu, Me ko keni, mitipun kayu ikong memalen ning yatu, ikong sablang mitagan king pangabagsak ning kayarian; iyarap yu ing sarili yu para king pamaglitis! Ding taung pidala-dala da la ring idolo rang dutung, at manalangin karing kikilalanan dang dios a e naman makapagligtas karela. Ala lang bitasang balu deting tau!

Jeremias 2:28

Nu la karin ding kikilalanan yung dios a kekong gewa? Paburen yung ila ding magligtas kekayu, nung agyu ra, potang atyu kayu king kaligaligan. Juda, nung makananu la karakal ding kekang siudad makanyan la naman karakal ding kekang kikilalanan a dios.

Hosea 7:14

Ngungulangul lang manangis karing karelang pagkeran, oneng e la manalangin taimtim kanaku. Paniugatan da la ring karelang katawan kalupa da ring paganu neng manalangin lang para pamangan at alak, makanyan man lalaban la kanaku.

Jonas 1:14

Inya kinulisak la king Ginu. Ngara, O Ginu, ipakisabi ming mayap king e mu ke sa paburen mate king uli na ning bie ning lalaking iti; ala kaming kasalanan. Ika, O Ginu, ing maki pasari kaniting malilyari. Dapat mu iti!

Jonas 1:16

Uli na niting milyari, mitakutan la ding marino king Ginu. King takut da, minie lang ain-sakripisyu at mengaku lang sumuyu king Ginu.

Jonas 1:6

Ikit ne ning kapitan ning barku at ngana kang Jonas, Obat atyu ka ken at matudtud? Talakad ka at maniawad kang saup king kekang dios; magkang malunus ya kekatamu at iligtas na katamu.

Mateo 25:5

Meyantala ya ing lalaking kakasal king paniatang na, inya ikua rang mitundu ding dalaga angga king mipatudtud la.

Mateo 26:43

Belikan na lang pasibayu ding alagad at disnan na lang matudtud uling tutu lang mitutundu.

Mateo 26:45

Kaybat na nita, belikan na la ding alagad at ngana karela, Matudtud kayu pa at paynawa angga ngene? Miras na ing oras ban ing Anak ning Tau manabu ya king gamat da ring taung makasalanan.

Ding Dapat 27:38

Kaybat nang kinabsi ning balang metung bewasnan da pa ing karga na ning barku. Inugse ra king dagat ing trigu.

Ukum 16:19

Peparatang ne tudtud Delila i Samson king kandungan na, at kaybat inaus ne ing metung a lalaki at pepagupit na la ding pitu nang ikat ning buak nang Samson. Kaybat pegumpisan neng pinyubukan uling milako ne sikanan.

1 Samuel 24:3

Mipatulid ya king kulungan tupa lele ning dalan; ating kueba karin. Linub ya i Saul ban magbawas karin. Atyu ne man kanita i David at ding tauan na kilub ning kueba; makalukluk la king kakilubkiluban na.