Jonas 1:4 - Ing Mayap a Balita Biblia

⁴ Oneng peparala yang masikan a angin ing Ginu king dagat at mika bagyu. Milalu ya kasikan ing bagyu at halus malasak ya ing barku.

Jonas 1:4 Iomraidhean Croise

Ding Dalit 135:6

Daraptan na itang sablang buri na keti king yatu o karin banua, king dagat o king kalalaman na.

Ding Dalit 135:7

Ya ing paratang king biga ibat karing suluk ning yatu; ya ing pasari king kildap neng babagyu, at papalual king angin king keyang pisisinupan.

Ding Dalit 148:8

ikong kildap at uran-lipat, yelu at biga, at masikan a angin a mamintu king utus na.

Exodo 10:13

Inya tinas neng Moises ing tukud na, at peparatang na ning Ginu ing angin ibat king aslagan; pepatiupan na banda king mamala kilub ning patingapun at kabukas. Inyang abak na migdala nang durun ing angin.

Exodo 10:19

At inalilan na ning Ginu ing angin a manibatan king aslagan king masikan a angin a ibat king albugan, at mipaid la ding durun king Dagat da ring Timbu. Alang mitagan metung man karing durun king mabilug a Ehipto.

Exodo 14:21

Inatiat neng Moises ing gamat na babo na ning dagat, at sepulan ne ning Ginu ing dagat king kapamilatan na ning masikan a angin ibat aslagan. Kabukas yang e pepatugut tutiup iting angin at mika malanging gabun king dagat.

Exodo 15:10

Oneng, Ginu, king metung mung pangisnawa, dagat karela mitakup ya, at ding tau Ehipto melumud la; anting tinggaputi king danuman limbug la.

Jeremias 51:16

King utus na danum babo biga dadabungbung; parala na lang biga manibat karing wakas ning yatu. Pagulisan neng kildap busal ning uran, at ibat king salikutan na pepalual yang angin.

Amos 4:13

Ing Dios ya ing linalang karing bunduk at king angin. Pabalu na karing tau ing isipan na; alilan ne ing aldo king bengi. Lalakad ya angga na karing wakas ning yatu. Iti ya ing lagyu na: Ginung Dios a Mayupaya!

Ding Bilang 11:31

At tiniup ing angin a peparala na ning Ginu at migdala yang dakal a pugu a ibat king lipat ning dagat. Susulapo lang manga atlung talampakan king katas king gabun. Digpa la king kampu at king paligid nang mamabut dakal a kilometru king miyayaliwang lugal.